શિયાળામાં મગફળીની ચિક્કી ઘરે સરળતાથી બનાવી શકાય છે.શિયાળામાં તેના સેવનથી શરીરને એનર્જી મળે છે, જે શરદી અને ઉધરસથી બચાવવાની સાથે ઓવરઈટિંગથી બચાવે છે. આજે અમે તમારા માટે એક સિક્રેટ રેસીપી લઈને આવ્યા છીએ, જેને તમે સરળતાથી મગફળીની ચિક્કી તૈયાર કરી શકો છો.
250 ગ્રામ મગફળી, 200 ગ્રામ ગોળ, 25 ગ્રામ માખણ,થોડું ઘી (ગ્રીસિંગ માટે)
સૌ પ્રથમ મગફળીને એક પેનમાં મધ્યમ આંચ પર સોનેરી અને ક્રિસ્પી થાય ત્યાં સુધી શેકો ,ધ્યાનમાં રાખો કે મગફળી બળી ન જાય.
હવે એક અલગ પેનમાં ગોળ અને 1/2 કપ પાણી ઉમેરીને મધ્યમ તાપ પર રાંધી લો,ગોળ સંપૂર્ણપણે ઓગળે અને ઘટ્ટ થાય ત્યાં સુધી પકાવો.
પછી પીગળેલા ગોળમાં મગફળી ઉમેરીને બરાબર મિક્સ કરી લો, આ મિશ્રણને ત્યાં સુધી પકાવો જ્યાં સુધી બધી મગફળી ગોળ સાથે સારી રીતે કોટ ન થઈ જાય.
આ પછી એક ટ્રે અથવા પ્લેટને ઘીથી ગ્રીસ કરો, હવે તૈયાર મિશ્રણને ટ્રેમાં ફેલાવીને ચમચી અથવા રોલિંગ પિનની મદદથી સરખી રીતે ફેલાવો.
આ મિશ્રણને ઓછામાં ઓછા 2-3 કલાક માટે ઠંડુ થવા દો. ઠંડુ થયા બાદ ચિક્કીને મનપસંદ આકારમાં કાપી લો.
આવી જ અવનવી રેસીપી માટે ગુજરાતી જાગરણ વાંચતા રહો.