શિયાળાની ધીમે-ધીમે શરૂઆત સાથે ગરમાગરમ લીલી હળદરનું શાક ખાવાનો આનંદ કંઈક અલગ જ હોય છે. સ્વાદિષ્ટ હોવા ઉપરાંત આ શાક શરીર માટે પણ ઘણું લાભદાયક છે.
લીલી હળદર શરીરને તાકાત આપે છે અને ઠંડીમાં ઈમ્યુનિટી વધારવામાં મદદ કરે છે. ચાલો જાણીએ કેવી રીતે બનાવવું આ સ્વાદિષ્ટ શાક.
લીલી હળદર, વટાણા, લીલુ લસણ, લીલી ડુંગળી, આદુ,મરચાં, ટામેટા, ડુંગળી, લસણ પેસ્ટ, દહીં, ઘી, ધાણા, મીઠું, મરચું પાઉડર.
લીલી હળદરને સારી રીતે ધોઈ થોડું પાણીમાં પલાળી રાખો. પછી તેની છાલ કાઢી ફરી ધોઈ લો અને છીણી લો.
લીલી ડુંગળી, લીલું લસણ અને ટામેટા ઝીણા સમારી લો.
કડાઈમાં ઘી ગરમ કરો. પછી તેમાં છીણેલી લીલી હળદર નાખો. જેટલું ઘી એટલી જ હળદર લો અને થોડી સેકાઈ જવા દો.
હળદર થોડી સેકાઈ જાય પછી તેમાં લીલી ડુંગળી અને લીલું લસણ ઉમેરો. થોડી વાર પકાવો અને પછી ટમેટા ઉમેરો.
હવે આદુ-મરચા-લસણની પેસ્ટ નાખો. થોડીવાર બાદ બાફેલા લીલા વટાણા ઉમેરો.
હવે તેમાં દહીં ઉમેરો અને ધીમા તાપે શાકને થવા દો. જ્યારે તેલ ઉપર આવી જાય, ત્યારે શાક તૈયાર!
સુગંધિત, સ્વાદિષ્ટ અને હેલ્ધી લીલી હળદરનું શાક તૈયાર છે. બાજરીના રોટલા કે ગરમ રોટલી સાથે પીરસો અને માણો શિયાળાનો ખાસ સ્વાદ.
વધુ રેસીપી માટે ગુજરાતી જાગરણ સાથે જોડાયેલા રહો.