શિયાળાની ઋતુમાં તીખું અને ચટપટું ખાવાનું મન થાય ત્યારે દહીં તીખારી એક સરસ વિકલ્પ છે. ભોજનની થાળીની શોભા વધારતી આ વાનગી સ્વાદમાં અદભુત છે. ચાલો જાણીએ ઘરે કાઠિયાવાડી સ્ટાઈલમાં દહીં તીખારી કેવી રીતે બનાવવી.
દહીં – ૧ કપ, સુકું લસણ – ૪-૫ કળી, ડુંગળી – ૧ મધ્યમ કદની (કાપેલી), લાલ મરચું પાઉડર – ૨ ચમચી, સુકું આખું મરચું – ૨, મીઠા લીમડાના પાન – ૫-૬, હળદર – ¼ ચમચી, મીઠું – સ્વાદ મુજબ, હીંગ – ચપટી, જીરું – ૧ ચમચી, દેશી ઘી – ૨ ચમચી, ધાણા-જીરું પાઉડર – ૧ ચમચી, લીલા ધાણા – સજાવટ માટે
સૌથી પહેલા એક ખાડણીમાં સુકું લસણ અને કાશ્મીરી લાલ મરચું પાઉડર લો. થોડું પાણી ઉમેરીને ખાડીને સરસ પેસ્ટ તૈયાર કરો.
એક પેનમાં દેશી ઘી ગરમ કરો. તેમાં જીરું, હીંગ, સુકું લાલ મરચું અને મીઠા લીમડાના પાન નાખો.
પછી કાપેલી ડુંગળી ઉમેરો અને લાઈટ બ્રાઉન થાય ત્યાં સુધી સાંતળો.
હવે તેમાં મીઠું, હળદર, ધાણા-જીરું પાઉડર અને થોડું પાણી ઉમેરો. બધું સારી રીતે મિશ્રિત થઈ જાય ત્યાં સુધી રાંધી લો.
જ્યારે મસાલો સરસ રીતે પાકી જાય, ત્યારે ગેસ બંધ કરો.
પછી ફેંટેલું દહીં ઉમેરો અને સારી રીતે મિક્સ કરો (દહીં ફાટવું ન જોઈએ). ઉપરથી કાપેલા લીલા ધાણાથી સજાવો.
ગરમાગરમ દહીં તીખારીને રોટલી, ભાખરી કે જિરા રાઈસ સાથે પીરસો સ્વાદ બમણો થઈ જશે!
અવનવી વાનગી માટે ગુજરાતી જાગરણ વાંચતા રહો.