ઘઉંનો લોટ અને રવો,લાલ મરચું, હળદર, મીઠું, જીરું અને અજમો,તેલ (મોણ માટે અને તળવા માટે),પાણી
એક મોટી કથરોટમાં ઘઉંનો લોટ અને રવો લો. તેને વ્યવસ્થિત રીતે ચાળી લેવો જેથી લોટમાં કોઈ ગઠ્ઠા ન રહે અને પૂરી એકદમ સરસ બને.
ચાળેલા લોટમાં સ્વાદ મુજબ મીઠું, લાલ મરચું પાઉડર, હળદર, જીરું અને અજમો ઉમેરો. અજમાને હાથથી મસળીને નાખવાથી તેની સુગંધ ખૂબ જ સરસ આવશે.
હવે તેમાં જરૂર મુજબ તેલનું મોણ નાખો. લોટને તેલ સાથે બરાબર મિક્સ કરો. મોણ એટલું હોવું જોઈએ કે લોટની મુઠ્ઠી વળે, તેનાથી પૂરી એકદમ ફરસી અને કુરકુરી બનશે.
થોડું-થોડું પાણી ઉમેરીને લોટ બાંધી લો. ફરસી પૂરી માટે લોટ બહુ ઢીલો ન રાખવો, થોડો કઠણ રાખવો જેથી વણવામાં અને તળવામાં સરળતા રહે.
બાંધેલા લોટને ઢાંકીને 10 થી 15 મિનિટ માટે બાજુ પર મૂકી દો. રવો હોવાથી લોટ થોડો ફૂલશે અને સેટ થઈ જશે, જેના કારણે પૂરી વધારે ક્રિસ્પી બનશે.
લોટમાંથી નાના લુઆ બનાવી મધ્યમ જાડાઈની પૂરી વણી લો. પૂરી ફૂલે નહીં તે માટે તમે કાંટા ચમચી (fork) થી તેમાં નાના કાણાં પણ પાડી શકો છો.
કડાઈમાં તેલ ગરમ કરો. તેલ ગરમ થાય એટલે પૂરીને ધીમાથી મધ્યમ તાપે તળો. બંને બાજુથી ગોલ્ડન બ્રાઉન અને ક્રિસ્પી થાય ત્યાં સુધી તેને તળવી.
તૈયાર થયેલી પૂરીને ઠંડી થવા દો. આ પૂરીને તમે ગરમાગરમ ચા સાથે નાસ્તામાં આપી શકો છો અથવા એર ટાઈટ ડબ્બામાં ભરીને ઘણા દિવસો સુધી તાજી રાખી શકો છો.
અવનવી રેસીપી માટે ગુજરાતી જાગરણ વાંચતા રહો.