Border 2 Box Office Collection: ભારતીય સિનેમાની આઇકોનિક ફિલ્મની સિક્વલ 'બોર્ડર 2' એ થિયેટરોમાં ધમાકેદાર એન્ટ્રી કરી છે. સની દેઓલ અને સ્ટાર-સ્ટડેડ કાસ્ટની આ એક્શન પેક્ડ ફિલ્મ જોવા માટે દર્શકોની ભીડ ઉમટી પડી છે. પરિણામે, ફિલ્મે માત્ર બે જ દિવસમાં આશ્ચર્યજનક કમાણી કરીને તાજેતરમાં રિલીઝ થયેલી પાંચ મોટી ફિલ્મોના આજીવન કમાણીના રેકોર્ડને ધરાશાયી કરી દીધા છે.
બે દિવસમાં જબરદસ્ત કલેક્શન
સેકનિલ્કના અહેવાલ અનુસાર, 'બોર્ડર 2' એ પહેલા દિવસે ₹30 કરોડની કમાણી સાથે જોરદાર ઓપનિંગ મેળવ્યું હતું. બીજા દિવસે કમાણીમાં મોટો ઉછાળો જોવા મળ્યો અને ફિલ્મે ₹35 કરોડનો આંકડો વટાવ્યો છે.
- ભારતનું કુલ કલેક્શન: ₹65 કરોડ
- વર્લ્ડવાઇડ કલેક્શન: ₹85.5 કરોડ
આવતીકાલે 26 જાન્યુઆરી (પ્રજાસત્તાક દિવસ) હોવાથી કમાણીમાં હજુ મોટો ઉછાળો આવવાની પૂરી સંભાવના છે.
આ પાંચ ફિલ્મોના રેકોર્ડ તોડ્યા
| ફિલ્મનું નામ | લાઇફટાઇમ કમાણી (અંદાજિત) |
| એક્કિસ | ₹41.25 કરોડ |
| તુ મેરી મેં તેરા... | ₹49.5 કરોડ |
| સિરાયે | ₹31.65 કરોડ |
| કિસ કિસકો પ્યાર કરું 2 | ₹16.23 કરોડ |
| હેપ્પી પટેલ | ₹6.83 કરોડ |