keybord key damage: લેપટોપનું કીબોર્ડ અચાનક કામ કરતું બંધ થઈ જાય ત્યારે ગભરાઈ જવાની જરૂર નથી. મોટાભાગના કિસ્સાઓમાં આ સમસ્યા સોફ્ટવેરની નાની ખામી અથવા ધૂળ-ગંદકીને કારણે હોય છે, જેને તમે ઘરે બેઠા જ ઠીક કરી શકો છો. નીચે મુજબના સ્ટેપ્સ અનુસરીને તમે તમારા લેપટોપની કીઝ ફરીથી કાર્યરત કરી શકો છો:
લેપટોપને રીબૂટ (Restart) કરો
ઘણીવાર ઓપરેટિંગ સિસ્ટમમાં નાની ભૂલ આવવાથી કીબોર્ડ રિસ્પોન્સ આપવાનું બંધ કરી દે છે. સૌથી પહેલા લેપટોપને રીસ્ટાર્ટ કરો. જો માઉસ પણ કામ ન કરતું હોય, તો પાવર બટનને 10-15 સેકન્ડ દબાવી રાખી ફોર્સ શટડાઉન કરો અને ફરી શરૂ કરો. જો જરૂર જણાય તો 'સેફ મોડ'માં લેપટોપ બૂટ કરીને તપાસો કે સમસ્યા સોફ્ટવેરની છે કે હાર્ડવેરની.
આ પણ વાંચો
કીબોર્ડની સફાઈ છે અનિવાર્ય
કીઝની વચ્ચે ધૂળ, વાળ અથવા ખાવાનો સામાન ફસાઈ જવાથી કી પ્રેસ થતી નથી.
- લેપટોપને 45 થી 75 ડિગ્રીના ખૂણા પર નમાવો અને હળવેથી હલાવો જેથી ગંદકી બહાર નીકળે.
- 'કમ્પ્રેસ્ડ એર' અથવા સોફ્ટ બ્રશનો ઉપયોગ કરી કીઝ સાફ કરો.
- જો કીઝ ચીકણી થઈ ગઈ હોય, તો હળવા હાથે રબિંગ આલ્કોહોલવાળા કપડાથી સાફ કરો. યાદ રાખો, સીધું પ્રવાહી કીબોર્ડ પર ક્યારેય ન નાખવું.
ડ્રાઇવર (Keyboard Driver) અપડેટ કરો
ખામીયુક્ત કે જૂના ડ્રાઇવરને કારણે પણ કીબોર્ડ અટકી શકે છે.
- Windows:'Device Manager' માં જાઓ, 'Keyboards' સેક્શનમાં જઈ તમારા કીબોર્ડ પર રાઈટ-ક્લિક કરો અને 'Uninstall Device' પસંદ કરો. લેપટોપ રીસ્ટાર્ટ કરવાથી વિન્ડોઝ આપમેળે નવો ડ્રાઇવર ઇન્સ્ટોલ કરી દેશે.
- Mac: સિસ્ટમ સેટિંગ્સમાં જઈ સોફ્ટવેર અપડેટ્સ ચેક કરો.
બેટરીની તપાસ કરો
કેટલાક લેપટોપમાં બેટરી ફૂલી જવાની સમસ્યા હોય છે. જો બેટરી કીબોર્ડની બરાબર નીચે હોય અને તે ફૂલે, તો તે અંદરથી કીબોર્ડ પર દબાણ લાવે છે, જેનાથી કીઝ દબાતી નથી. જો તમારી બેટરી રીમુવેબલ હોય, તો તેને કાઢીને સીધા ચાર્જર પર લેપટોપ ચલાવી જુઓ. જો કીબોર્ડ બરાબર ચાલે, તો સમજવું કે બેટરી બદલવાનો સમય આવી ગયો છે.
કનેક્શન અને રિબન કેબલ
જો લેપટોપ ક્યારેય અથડાયું હોય કે પડ્યું હોય, તો અંદરની રિબન કેબલ ઢીલી થઈ શકે છે. જો તમને ટેકનિકલ જાણકારી હોય, તો જ લેપટોપ ખોલીને કનેક્શન ચેક કરો, અન્યથા નિષ્ણાતની સલાહ લેવી વધુ હિતાવહ છે.
જો ઉપરના તમામ પ્રયત્નો પછી પણ કીબોર્ડ ઠીક ન થાય, તો તે હાર્ડવેર ડેમેજ હોઈ શકે છે. આવા કિસ્સામાં ઓથોરાઈઝ્ડ સર્વિસ સેન્ટરનો સંપર્ક કરવો જોઈએ. ત્યાં સુધી કામ ચલાવવા માટે તમે એક્સટર્નલ USB કીબોર્ડ અથવા 'On-Screen Keyboard' નો ઉપયોગ કરી શકો છો.