T20 World Cup 2026 Prize Money Increased: ક્રિકેટ ચાહકો જેની આતુરતાથી રાહ જોઈ રહ્યા હતા તે ICC મેન્સ T20 વર્લ્ડ કપ 2026 ની 10મી આવૃત્તિનો આવતીકાલથી રંગારંગ પ્રારંભ થઈ રહ્યો છે. આ વખતે ટુર્નામેન્ટ પહેલા કરતા વધુ મોટી અને રોમાંચક બની છે, કારણ કે પ્રથમ વખત કુલ 20 ટીમો વિશ્વ વિજેતા બનવા માટે મેદાનમાં ઉતરશે. 7 ફેબ્રુઆરીથી શરૂ થઈને 8 માર્ચ સુધી ચાલનારી આ મેગા ઈવેન્ટમાં કુલ 55 મેચો રમાશે.
ભારત અને શ્રીલંકાના 8 મેદાન પર રમાશે મેચ
આ ટુર્નામેન્ટનું સંયુક્ત આયોજન ભારત અને શ્રીલંકા દ્વારા કરવામાં આવ્યું છે. ભારતના પાંચ શહેરો— અમદાવાદ, મુંબઈ, દિલ્હી, કોલકાતા અને ચેન્નાઈ જ્યારે શ્રીલંકાના ત્રણ વેન્યુ— કોલંબો (RPS), કોલંબો (SSC) અને કેન્ડીમાં મેચોનું આયોજન કરવામાં આવ્યું છે. ટુર્નામેન્ટની ભવ્ય ફાઈનલ 8 માર્ચે અમદાવાદના નરેન્દ્ર મોદી સ્ટેડિયમમાં રમાશે.
ઈનામી રકમમાં 20%નો તોતિંગ વધારો
ICC દ્વારા હજુ સત્તાવાર આંકડા જાહેર કરવામાં આવ્યા નથી, પરંતુ મીડિયા રિપોર્ટ્સ અનુસાર આ વર્ષે ઈનામી રકમમાં ગત સીઝન કરતા 20% વધારો કરવામાં આવ્યો છે.
- કુલ ઈનામી ભંડોળ: આશરે $13.5 મિલિયન (લગભગ ₹120.37 કરોડ).
- વિજેતા ટીમ: ચેમ્પિયન બનનાર ટીમને અંદાજે ₹27.48 કરોડ મળી શકે છે.
- રનર-અપ ટીમ: ફાઈનલમાં હારનાર ટીમને આશરે ₹14.65 કરોડ મળવાની શક્યતા છે.
| સ્થાન / ક્રમ | ઈનામી રકમ (ડોલર) | ઈનામી રકમ (ભારતીય રૂપિયામાં) |
| વિજેતા (Winner) | $3,000,000 | ₹27.48 કરોડ |
| રનર-અપ (Runner-up) | $1,600,000 | ₹14.65 કરોડ |
| સેમી-ફાઈનલિસ્ટ | $790,000 | ₹7.24 કરોડ |
| ટીમ (5 થી 12 પોઝિશન) | $380,000 | ₹3.48 કરોડ |
| ટીમ (13 થી 20 પોઝિશન) | $250,000 | ₹2.29 કરોડ |