IPL 2026 Full Schedule: IPL 2026 ની ઓપનિંગ મેચમાં ડિફેન્ડિંગ ચેમ્પિયન RCB અને SRH વચ્ચે જંગ; અહીં જુઓ 10 ટીમોનું ફુલ સ્કવોર્ડ
IPL મેનેજમેન્ટ દ્વારા પ્રથમ 16 દિવસ માટે કુલ 20 મેચોનું શેડ્યૂલ જાહેર કરવામાં આવ્યું છે. આ ગાળા દરમિયાન ચાહકોને 4 ડબલ હેડર્સ (એક દિવસમાં બે મેચ) જોવા મળશે.
IPL 2026 Full Schedule and Squads: T20 વર્લ્ડ કપ 2026 ના રોમાંચક અંત બાદ હવે ક્રિકેટ પ્રેમીઓ માટે વધુ એક આનંદના સમાચાર આવ્યા છે. વિશ્વની સૌથી લોકપ્રિય ટી-20 લીગ, ઈન્ડિયન પ્રીમિયર લીગ (IPL) ની 19મી સીઝનનો પ્રારંભ 28 માર્ચથી થવા જઈ રહ્યો છે. આ ટુર્નામેન્ટ 31 મે સુધી ચાલશે, ઓપનિંગ મેચમાં ડિફેન્ડિંગ ચેમ્પિયન રોયલ ચેલેન્જર્સ બેંગ્લુરુ (RCB) સનરાઈઝર્સ હૈદરાબાદ (SRH) સામે ટકરાશે.
પ્રથમ તબક્કાનું શેડ્યૂલ જાહેર
IPL મેનેજમેન્ટ દ્વારા પ્રથમ 16 દિવસ માટે કુલ 20 મેચોનું શેડ્યૂલ જાહેર કરવામાં આવ્યું છે. આ ગાળા દરમિયાન ચાહકોને 4 ડબલ હેડર્સ (એક દિવસમાં બે મેચ) જોવા મળશે. આ ડબલ હેડર્સ 4-5 એપ્રિલ અને 11-12 એપ્રિલના રોજ યોજાશે. બપોરની મેચોનો પ્રારંભ 3:30 વાગ્યે થશે, જ્યારે સાંજની મેચો 7:30 વાગ્યે શરૂ થશે. ટુર્નામેન્ટની ઓપનિંગ મેચ બેંગલુરુના એમ. ચિન્નાસ્વામી સ્ટેડિયમ ખાતે રમાશે.
લીગની બાકીની મેચોનું શેડ્યૂલ આગામી સમયમાં જાહેર કરવામાં આવશે. તમામ 10 ટીમોએ પોતપોતાની સ્ક્વોડ તૈયાર કરી લીધી છે અને ખેલાડીઓએ નેટ પ્રેક્ટિસ પણ શરૂ કરી દીધી છે. ગુજરાત ટાઇટન્સની ટીમ પોતાની પહેલી મેચ 31 માર્ચે મુલ્લાનપુરમાં પંજાબ સામે રમશે, જ્યારે ઘરઆંગણે અમદાવાદમાં 4 એપ્રિલે રાજસ્થાન સામે મેદાને ઉતરશે.
