India vs Afghanistan, 3rd ODI 2026: ભારત અને અફઘાનિસ્તાન વચ્ચે વનડે સિરીઝની અંતિમ મેચ શનિવારે 20મી જૂનના રોજ રમાઈ હતી. ચન્નઈના એમએ ચિદમ્બરમ સ્ટેડિયમ ખાતે યોજાયેલી મેચમાં ભારતીય ટીમે અફઘાનિસ્તાનને 9 વિકેટથી હરાવ્યું છે. આ ાથે ત્રણ મેચની સિરીઝ 3-0થી જીતી લીધી છે.
ભારતે જીત માટે 219 રનનો ટાર્ગેટ મળ્યો હતો. જે તેણે 28.4 ઓવરમાં જ પૂરો કરી લીધો હતો. આ જીત સાથે ભારતે ત્રણ મેચની વન-ડે સિરીઝમાં અફઘાનિસ્તાનનો સંપૂર્ણ સફાયો કરી દીધો છે. ચેપોક વનડેમાં ભારતની જીતમાં યશસ્વી જયસ્વાલ, રોહિત શર્મા અને પ્રસિદ્ધ કૃષ્ણાની મહત્વની ભૂમિકા રહી હતી. પ્રસિદ્ધ કૃષ્ણાએ 5 વિકેટ લીધી હતી. જ્યારે યશસ્વી જયસ્વાલે 110 રન નોટઆઉટ બનાવ્યા હતા. તેણે વન-ડે કરિયરમાં બીજી સદી ફટકારી હતી. રોહિતે પણ 79 રન બનાવ્યા હતા.
શુભમન ગિલના વડપણ હેઠળ ભારતીય ટીમ અગાઉથી જ આ સિરીઝને પોતાના નામે કરી ચુકી હતી. ધર્મશાળા ઓડીઆઈમાં ભારતે અફઘાનિસ્તાનને સાત વિકેટથી હરાવ્યું હતું. ત્યારબાદ લખનઉમાં પણ મહેમાન ટીમને 170 રનથી હરાવ્યું હતું.
