International Yoga Day 2026: સમગ્ર ભારત સહિત વિશ્વભરમાં 12મો આંતરરાષ્ટ્રીય યોગ દિવસ 2026 અત્યંત ઉત્સાહ અને ભવ્યતા સાથે ઉજવવામાં આવી રહ્યો છે. આ વર્ષે આ વૈશ્વિક મહોત્સવ "સ્વસ્થ વૃદ્ધત્વ માટે યોગ" (Yoga for Healthy Aging) ની ખાસ થીમ હેઠળ મનાવવામાં આવી રહ્યો છે. આ થીમનો મુખ્ય હેતુ લોકોની શારીરિક તંદુરસ્તી, માનસિક સુખાકારી અને વધતી ઉંમરે પણ સ્વસ્થ જીવનશૈલી જાળવી રાખવામાં યોગ કેટલો મહત્વપૂર્ણ ભાગ ભજવે છે તેના પર વિશેષ ભાર મૂકવાનો છે. ભારતની આ પ્રાચીન ધરોહર આજે વૈશ્વિક સ્તરે સર્વાંગી સુખાકારી માટે એક મોટી જન ચળવળ તરીકે ઉભરી આવી છે.
#WATCH | West Bengal | Prime Minister Narendra Modi takes the stage at the 12th annual International Day of Yoga organised at the Red Road in Kolkata.
(Source: DD) pic.twitter.com/RZuHV4gJ9O
આ પણ વાંચો
કોલકાતાના ઐતિહાસિક રેડ રોડ પરથી પીએમ મોદીનો યોગ સંદેશ
આ વર્ષે ભારતમાં રાષ્ટ્રીય ઉજવણીનું મુખ્ય કેન્દ્ર પશ્ચિમ બંગાળનું કોલકાતા શહેર બન્યું છે. વડા પ્રધાન નરેન્દ્ર મોદી કોલકાતાના પ્રતિષ્ઠિત અને ઐતિહાસિક રેડ રોડ પરથી આ રાષ્ટ્રીય કાર્યક્રમનું સીધું નેતૃત્વ કરી રહ્યા છે. વડા પ્રધાન કાર્યક્રમના સ્ટેજ પર પહોંચતા જ હજારો સહભાગીઓ દ્વારા તેમનું ભવ્ય સ્વાગત કરવામાં આવ્યું હતું. આ વિશાળ સભાને સંબોધિત કરતા પીએમ મોદીએ જણાવ્યું હતું કે, "હિમાલયથી લઈને હિંદ મહાસાગર સુધી, અને પૂર્વમાં ઉત્તર-પૂર્વ તથા બંગાળથી લઈને પશ્ચિમમાં સૌરાષ્ટ્ર સુધી, આજે સમગ્ર રાષ્ટ્ર યોગની અદ્ભુત ઉર્જાથી ભરેલું દેખાઈ રહ્યું છે."
#WATCH | West Bengal | Prime Minister Narendra Modi performs Yoga on the occasion of the 12th International Day of Yoga in Kolkata.
The theme for this year's Yoga Day is 'Yoga For Healthy Ageing'
(Video Source: DD News) pic.twitter.com/0ePO2eOI1U
સંબોધન બાદ વડા પ્રધાને સામાન્ય યોગ પ્રોટોકોલ (Common Yoga Protocol) સત્ર અંતર્ગત રેડ રોડ પર હજારો નાગરિકો સાથે જાતે યોગાસનો કર્યા હતા. એટલું જ નહીં, યોગ સત્ર દરમિયાન પીએમ મોદીએ અત્યંત સહજતાથી આસનો કરી રહેલા અન્ય સહભાગીઓની વચ્ચે જઈને તેમની મુદ્રાઓ (Postures) સુધારવામાં પણ મદદ કરી હતી અને તેમનો ઉત્સાહ વધાર્યો હતો.
સરહદના સૈનિકો અને મુખ્યમંત્રીઓ પણ યોગના રંગે રંગાયા
આંતરરાષ્ટ્રીય યોગ દિવસના આ પાવન અવસરે દેશની સુરક્ષા કરતા જવાનોએ પણ અદભુત ઉત્સાહ દાખવ્યો છે. ભારત-તિબેટીયન બોર્ડર પોલીસ (ITBP) ની 47મી બટાલિયનના હિંમતવાન જવાનોએ લદ્દાખના લેહમાં આવેલા વિશ્વપ્રસિદ્ધ અને અત્યંત ઠંડા પેંગોંગ ત્સો તળાવના કિનારે, બરફીલા શિખરોની વચ્ચે યોગાભ્યાસ કરીને દેશવાસીઓને પ્રેરણા પૂરી પાડી હતી. બીજી તરફ, ઉત્તર પ્રદેશના મુખ્યમંત્રી યોગી આદિત્યનાથે પણ રાજ્યમાં આયોજિત એક વિશાળ સમૂહ યોગ કાર્યક્રમમાં ભાગ લઈને સામાન્ય જનતા સાથે યોગના વિવિધ આસનોનો અભ્યાસ કર્યો હતો.
#WATCH कोलकाता, पश्चिम बंगाल: प्रधानमंत्री नरेंद्र मोदी कोलकाता में 12वें अंतरराष्ट्रीय योग दिवस के मौके पर योग करते हुए लोगों को उनका पोस्चर ठीक करने में मदद कर रहे हैं।
इस साल के योग दिवस की थीम है 'स्वस्थ उम्र बढ़ने के लिए योग'
(सोर्स: DD न्यूज़) pic.twitter.com/czUyzRLvBk
વિશ્વના 210 દેશોના 2500 સ્થળો પર યોગનો વૈશ્વિક ડંકો
ભારતીય સાંસ્કૃતિક સંબંધો પરિષદ (ICCR) ના સંકલિત અને ભગીરથ પ્રયાસોને કારણે વિદેશમાં પણ યોગનો અભૂતપૂર્વ ક્રેઝ જોવા મળ્યો છે. વિશ્વભરના 210 થી વધુ ભારતીય મિશનો અને દૂતાવાસો દ્વારા આશરે 2,500 જેટલા વિવિધ આંતરરાષ્ટ્રીય સ્થળો પર યોગના વિશેષ કાર્યક્રમોનું આયોજન કરવામાં આવ્યું છે. પશ્ચિમી દેશોથી લઈને આરબ દેશો સુધી લાખો વિદેશી નાગરિકો ભારતીય સંસ્કૃતિના આ પર્વમાં ઉત્સાહભેર ભાગ લઈ રહ્યા છે.
દેશના 100 ઐતિહાસિક અને પ્રતિષ્ઠિત સ્થળો પર વિશેષ આયોજન
આ વર્ષની ઉજવણીમાં ભારતના ગૌરવશાળી ઈતિહાસ અને સંસ્કૃતિનો અનોખો સંગમ જોવા મળ્યો છે. સંસ્કૃતિ મંત્રાલય દ્વારા ભારતીય પુરાતત્વ સર્વેક્ષણ (ASI) ના વિશેષ સહયોગથી દેશભરના 100 પ્રતિષ્ઠિત અને પૌરાણિક વારસા સમાન સ્થળો પર ખાસ યોગ સત્રો રાખવામાં આવ્યા છે. આ પ્રશંસનીય પહેલથી ભારતના સમૃદ્ધ સાંસ્કૃતિક વારસા, પ્રખ્યાત ઐતિહાસિક સ્મારકો અને સદીઓ પુરાણી યોગ પરંપરાઓને એક તાંતણે બાંધવાનો સુંદર પ્રયાસ સફળ થયો છે.