Confirm Train Ticket Booking: એજન્ટને વધારાના પૈસા ચૂકવ્યા વગર, જાતે જ 100% કન્ફર્મ ટ્રેન ટિકિટ બુક કરવી હવે એકદમ સરળ છે. રેલ્વેની એક ખાસ સુવિધા છે જેનો ઉપયોગ કરીને તમે ગણતરીની સેકન્ડોમાં ટિકિટ બુક કરી શકો છો. ખાસ કરીને તત્કાલ ટિકિટ અથવા ભારે ભીડવાળા રૂટ માટે આ પદ્ધતિ આશીર્વાદ સમાન છે.
માસ્ટર લિસ્ટ શું છે અને તે કેવી રીતે મદદ કરે છે?
સામાન્ય રીતે જ્યારે ટિકિટ બુકિંગ શરૂ થાય છે, ત્યારે મુસાફરોના નામ, ઉંમર અને સીટની પસંદગી લખવામાં ઘણો સમય બગાડે છે. આ દરમિયાન બધી કન્ફર્મ ટિકિટો બુક થઈ જાય છે અને તમને વેઇટિંગ લિસ્ટ મળે છે. જો તમે IRCTC એપ કે વેબસાઈટ પર 'માસ્ટર લિસ્ટ' ફીચરનો ઉપયોગ કરીને મુસાફરોની વિગતો પહેલાથી જ સેવ કરી રાખો, તો બુકિંગ વખતે માત્ર એક ક્લિકથી બધી વિગતો ઓટોમેટિક ભરાઈ જાય છે. આનાથી તમારો કિંમતી સમય બચે છે અને કન્ફર્મ ટિકિટ મળવાની શક્યતા 90% વધી જાય છે.
માસ્ટર લિસ્ટ બનાવવાની સ્ટેપ-બાય-સ્ટેપ રીત:
લોગ-ઇન કરો
સૌથી પહેલા IRCTCની ઓફિશિયલ વેબસાઇટ (irctc.co.in) અથવા IRCTCની ઓફિશિયલ મોબાઇલ એપ ઓપન કરો. તમારા યુઝર આઈડી (User ID) અને પાસવર્ડનો ઉપયોગ કરીને લોગ-ઇન કરો.
પ્રોફાઇલમાં જાઓ
લોગ-ઇન થયા પછી, હોમ પેજ પર આપેલા 'My Account' સેક્શનમાં જાઓ અને ત્યાં 'My Profile' પર ક્લિક કરો.
માસ્ટર લિસ્ટ ઉમેરો
હવે તમને 'Add/Modify Master List' નો ઓપ્શન દેખાશે, તેના પર ક્લિક કરો. તમારી સામે એક ફોર્મ ખુલશે. તેમાં મુસાફરનું નામ, જન્મતારીખ, જેન્ડર અને સીટની પસંદગી (લોઅર, મિડલ કે અપર) જેવી વિગતો ભરો. ત્યારબાદ 'Submit' બટન પર ક્લિક કરો. તમે એકસાથે પરિવારના ઘણા સભ્યોના નામ આમાં ઉમેરી શકો છો.
ટિકિટ બુક કરતી વખતે તેનો ઉપયોગ કેવી રીતે કરવો?
જ્યારે તમે ટિકિટ બુક કરવા બેસો અને પેસેન્જર ડિટેલ્સના પેજ પર પહોંચો, ત્યારે તમારે નવું નામ ટાઈપ કરવાની જરૂર નથી. ત્યાં 'Add Existing' નો ઓપ્શન મળશે. તેના પર ક્લિક કરતા જ તમારી માસ્ટર લિસ્ટ ખુલશે. જે મુસાફરોની ટિકિટ લેવી હોય તેમના નામ સિલેક્ટ કરી લો. બધી વિગતો આપોઆપ ભરાઈ જશે.
આ સ્માર્ટ પદ્ધતિ અપનાવો, એજન્ટના કમિશનના પૈસા બચાવો અને મિનિટોમાં કન્ફર્મ ટિકિટ મેળવો!