Farmer Registration Gujarat 2026: ગુજરાતના ખેડૂતો માટે કેન્દ્ર સરકારે એક ક્રાંતિકારી પહેલ કરી છે, કેન્દ્ર સરકારના એગ્રીસ્ટેક ફાર્મર રજિસ્ટ્રી પ્રોજેક્ટ હેઠળ ગુજરાતમાં વર્ષ 2026 માટે ખેડૂતોની નોંધણીની પ્રક્રિયા ચાલી રહી છે, જેમાં આ યોજના હેઠળ રાજ્યના ખેડતોને એક ફાર્મર આઈડી આપવામાં આવશે. આ આઈડીની મદદથી ખેડૂતોને સરકારની કલ્યાણકારી યોજનાનો લાભ ઝડપથી પ્રાપ્ત થશે.
Farmer ID એટલે શું?
ફાર્મર આઈડી એક 11 અંકોનો ખાસ નંબંર છે. જે આધારકાર્ડની જેમ જ ખેડૂતો માટે ઉપયોગી છે. આ આઈડીની અંદર ખેડૂતોની વ્યક્તિગત વિગત, જમીનની માહિતી, તેમજ ખેતીને લગતી અગત્યની માહિતી ડિજીટલ સ્વરુપે સંગ્રહિત કરવામાં આવશે.
Farmer IDનો ખેડૂતોને ફાયદો
આ ડિજિટલ ઓળખપત્રની મદદથી ખેડૂતો ગુજરાત રાજ્ય અને કેન્દ્ર સરકારની વિવિધ કૃષિ કલ્યાણકારી યોજનાનો ખૂબ જ ઝડપથી અને સરળતાથી લાભ મેળવી શકશે. આ આઈડી નીચે મુજબની યોજનાઓમાં ખૂબ ઉપયોગી સાબિત થશે:
- પીએમ કિસાન સન્માન નિધિ યોજના
- કિસાન ક્રેડિટ કાર્ડ
- પ્રધાનમંત્રી ફસલ બીમા યોજના (પાક વીમો)
- ટેકાના ભાવે (MSP) ખરીદીની યોજના
- રાષ્ટ્રીય કૃષિ બજાર (e-NAM)
રજિસ્ટ્રેશન કરાવવા માટે જરુરી દસ્તાવેજો
- આધાર કાર્ડ
- આધાર કાર્ડ સાથે લિંક મોબાઈલ નંબર (OTP વેરિફિકેશન માટે)
- જમીનનો સર્વે નંબર / ખાતા નંબર
- બેંક ખાતાની વિગતો (પાસબુક કે કેન્સલ ચેક)
ગુજરાતમાં ફાર્મર આઈડી મેળવવા માટે ઓનલાઈન નોધણી માટેની ખેડૂતો પોતે નજીકન સીએસસી સેન્ટર પર જઈને અરજી પ્રક્રિયા કરી શકે છે.
- સૌપ્રથમ ખેડૂતોએ એગ્રીસ્ટેક ફાર્મર રજિસ્ટ્રીના પોર્ટલ gjfr.agristack.gov.in પર જવાનું રહેશે.
- હોમપેજ પર farmer login સેક્શનમાં જઈને create new account પર ક્લિક કરવાનું રહેશે.
- ખેડૂત મિત્રે આધાર નંબર દાખલ કર્યા બાદ લિંક નંબર પર આવેલો ઓટીપી નંબંર દાખલ કરીને વેરિફિકેશન પૂર્ણ કરવાનું રહેશે.
- ત્યારબાદ, નવો પાસવર્ડ સેટ કરીને પોર્ટલ પર લોગઈન કરવું
- લોગઈન કર્યા બાદ ખેડૂતે વ્યક્તિગત માહિતી ચકાસીને જમીન માલિકીની માહિતી પસંદ કરવી
- જમીનના સર્વે નંબરનો ઉપયોગ કરીને ઓનલાઈન જમીનનો રેકોર્ડ ફેચ લોડ કરો.
- ખેડૂત મિત્રે જમીનના તમામ રેકોર્ડની યોગ્ય તપાસ કર્યા બાદ, આધાર ઓથેન્ટિકેશન દ્વારા ઈ સાઈનની પ્રક્રિયા પૂરી કરવાની રહેશે.
- પ્રક્રિયા સફળતાપૂર્વક પૂર્ણ થયા પછી સ્ક્રીન પર એક એનરોલમેન્ટ નંબર (Enrollment Number) જનરેટ થશે, જેને ભવિષ્યના સંદર્ભ માટે સાચવી રાખવો.