ગીર સોમનાથમાં ઉના પંથકમા નાથળ ગામની સીમમાંથી SOGએ ગાંજાનું વાવેતર ઝડપી પાડ્યું છે. મકાઈ અને બાજરીના પાકના વાવેતરની આડમાંથી કુલ 5 કિલોથી વધુ ગાંજાના છોડ મળતા પોલીસે 1 આરોપીની ધરપકડ કરી છે.
ખેતરમાં ગાંજાનું વાવેતર
SOG ઇન્ચાર્જ PI. ડી.એમ. કાગડાને બાતમી મળી હતી. જે આધારે SOG સ્ટાફના પ્રતાપસિંહ અને રાજુભાઈ સહિતની ટીમે નાથળ ગામમાં કોસરી સીમમાં આવેલા વિનુ ભીખાભાઈ બાંભણીયાના ખેતરમાં ઓચિંતો દરોડો પાડ્યો હતો. પોલીસને તપાસમાં ખેતરમાંથી 40 જેટલા ગાંજાના લીલા છોડ મળી આવ્યા હતા.
SOGએ મુદ્દામાલ જપ્ત કર્યો
SOG દ્વારા ગાંજાના છોડને કબજે કરી લેવાયા બાદ તેમનું વજન કરવામાં આવ્યું હતું. જે વજન 5 કિલોથી વધુ હોવાનું બહાર આવ્યું હતું. જેની બજારકિંમત અંદાજે રૂ. 2,79,500 આંકવામાં આવી છે. તેમજ પોલીસે આરોપી પાસેથી રુ 500ની કિમતનો ફોન પણ જપ્ત કર્યો છે. ત્યારે કુલ 2.80.000નો મુદ્દામાલ જપ્ત કરાયો હતો
આરોપી સામે ફરિયાદ નોંધાઈ
SOG ટીમે આરોપી વિનુ બાંભણીયાની તપાસ કરી હતી. જેમાં તે ગાંજો સૂકવીને વેચાણ કરતો હોવાનું સામે આવ્યું હતું. આરોપી સામે પોલીસે એનડીપીસી એક્ટની કલમ 8(C) અને 20(ii)(B) હેઠળ ફરિયાદ નોંધીને આગળ કાર્યવાહી કરી છે.