Mango farming in valsad: ગુજરાત રાજ્યના વલસાડ જિલ્લામાં એક ખેડૂતે બાગાયત ક્ષેત્રે નોંધપાત્ર સફળતા મેળવી છે. ખેડૂતે 12 ફૂટ ઊંચા એક જ આંબા પર 80 વિવિધ જાતોની કેરીઓની કલમ બનાવી છે. જેને લઈને બધા લોકો આશ્ચર્ય પામી ગયા છે.ખેડૂતની આ સફળતા તેમના 5 વર્ષની મહેનતનું ફળ છે.
10 મહિનાની મહેનત રંગ લાવી
પાછલા વર્ષે ચોમાસાના સમય દરમિયાન આશરે 10 મહિના પહેલા ઝાડ પર કલમ બનાવવાનું કામ હાથ ધર્યું હતું. ભારે પવન, ભારે વરસાદ અને તોફાનના કારણે કલમ કરેલી કેટલીક ડાળીઓને નુકસાન થયું હતું. પરંતુ 70થી વધુ જાતો બચી ગઈ છે. જોકે, હાલમાં ઝાડ પર 62 જાતો સુરક્ષિત છે.જેમાંથી 20થી 30 જાતોમાં પહેલાથી જ ખીલી ગઈ છે અને તેમાંથી કેરીનો પાક પણ આવવા લાગ્યો છે.
કેરીઓમાં દેશ-વિદેશની જાતો શામેલ
આ વૃક્ષ પર કલમી કરાયેલી જાતોમાં સૂર્ય ગમાઈ, બિગ પ્રિન્સ, ડાક મિયાં, સબજો, થાઈ બનાના,આમ્રપાલી, રેડ આઇવરી, ટોમી એટકિન્સ, સેન્સેશન, મલ્લિકા, પંચમહાલ બારાહમાસી, તોતાપુરી, ગુલાબ ખાસ અને કેસર જેવી વિવિધ પ્રકારની દેશી અને વિદેશી જાતો શામેલ છે.
ખેડૂતે જણાવ્યું પોતાનું લક્ષ્ય
ખેડૂત શૈલેષ પટેલના જણાવ્યા મુજબ, "મારું લક્ષ્ય છે કે, એક જ ઝાડ પર 100 વિવિધ જાતની કેરી ઉગાડું, જેથી લોકો એક જ જગ્યા પર બેસીને દુનિયાભરની કેરીઓનો સ્વાદ માણી શકે."તેમણે જણાવ્યું કે, તેમણે આ પ્રયોગ ઉત્તર પ્રદેશની મુલાકાત દરમિયાન જોયેલા એક ઝાડથી પ્રેરિત થઈને શરુ કરી હતી. તેમણે એક નર્સરીમાં 50 જાતો વાળું એક ઝાડ જોયું હતું. જેના લીધે તેમણે આ નિર્ણય કર્યો.
ખેડૂતની નોંધપાત્ર સિદ્ધી ચર્ચાનો વિષય
ફક્ત 10 મહિનામાં એક જ ઝાડ પર 22 વિવિધ જાતની કેરીઓ લાગતા પોતાનામાં એક મોટી સિદ્ધિ છે. નોંધનીય છે કે, વલસાડ તેના કેરીના ઉત્પાદન માટે વિખ્યાત છે, અને અહીં ઉગાડવામાં આવતી કેરીઓ માત્ર દેશભરમાં જ નહીં પરંતુ આંતરરાષ્ટ્રીય બજારોમાં પણ નિકાસ થાય છે. ખેડૂત શૈલેષ પટેલનો આ અનોખો પ્રયોગ પૂરા વિસ્તાર અને રાજ્યમાં ચર્ચાસ્પદ બન્યો છે. ખેડૂત શૈલેષ પટેલનો આ પ્રયાસ અન્ય ખેડૂતો માટે પ્રેરણારૂપ છે,થોડી ઘણી મહેનત અને આધુનિક ટેક્નોલોજી દ્વારા મર્યાદિત જગ્યામાં વિવિધ વેરાઈટી ઉગાડી શકાય છે.