Jagdish Vishwakarma South Gujarat Tour: ગુજરાત ભાજપ પ્રદેશ અધ્યક્ષ જગદીશ વિશ્વકર્મા હાલ દક્ષિણ ગુજરાત પ્રવાસે છે. આ પ્રવાસ અંતર્ગત જગદીશ વિશ્વકર્માએ નવસારી અને ડાંગ જિલ્લાની મહત્વપૂર્ણ મુલાકાત લીધી છે. આ પ્રવાસ દરમિયાન તેમણે ધાર્મિક દર્શનથી લઈને સંગઠનાત્મક બેઠકો અને સામાજિક કાર્યમાં હાજરી આપી હતી.
નવસારી જિલ્લાના વાંસદા ખાતે બિરાજમાન આદ્યશક્તિ ઉનાઈ માતાના ચરણોમાં શીશ ઝુકાવી ધન્યતા અનુભવી.
— Jagdish Vishwakarma (@iJagdishBJP) March 14, 2026
આ પાવન અવસરે માતાજીની પૂજા-અર્ચના કરી અને સૌની સુખ, શાંતિ, સમૃદ્ધિ તથા ઉત્તમ સ્વાસ્થ્ય માટે પ્રાર્થના કરી.
જય ઉનાઈ માતા 🙏 pic.twitter.com/YIYVgD9FKe
વાંસદા ખાતે આદ્યશક્તિ ઉનાઈ માતાના દર્શન
ગુજરાત ભાજપ પ્રદેશ અધ્યક્ષ જગદીશ વિશ્વકર્માએ ગત રોજ નવસારી જિલ્લાના વાંસદા ખાતે બિરાજમાન આદ્યશક્તિ ઉનાઇ માતાના મંદિરે વિશેષ મુલાકાત લીધી હતી. તેમણે માતાજીના ચરણોમાં શીશ ઝુકાવીને ધન્યતા અનુભવી હતી અને માતાજીની પૂજા-અર્ચના કરી હતી. આ પ્રસંગે તેમણે સૌ નાગરિકોની સુખ, શાંતિ, સમૃદ્ધિ તથા ઉત્તમ સ્વાસ્થ્ય માટે પ્રાર્થના કરી હતી.
દીકરીઓના સ્મિતમાં દેખાયું સશક્ત ભારતનું પ્રતિબિંબ!
— Jagdish Vishwakarma (@iJagdishBJP) March 14, 2026
આજે વાંસદા તાલુકાના જામલીયા સ્થિત કસ્તુરબા ગાંધી બાલિકા વિદ્યાલયની મુલાકાત લીધી. આ મુલાકાત દરમિયાન વિદ્યાલયની વ્હાલી દીકરીઓ સાથે ભોજન લીધું અને તેમના શિક્ષણ પ્રત્યેના ઉત્સાહને વધારવા માટે નોટબુકનું વિતરણ કર્યું.
આદરણીય… pic.twitter.com/Gjn401xzqt
ડાંગમાં સાથે 'પરિચય બેઠક' અને માર્ગદર્શન
નવસારીની મુલાકાત બાદ પ્રદેશ અધ્યક્ષ જગદીશ વિશ્વકર્માએ ડાંગ જિલ્લાની મુલાકાત લીધી હતી. ડાંગ જિલ્લામાં આજે પ્રદેશ અધ્યક્ષ જગદીશ વિશ્વકર્માએ જિલ્લા ભાજપા સંગઠનના પદાધિકારીઓ અને કાર્યકર્તાઓ સાથે 'પરિચય બેઠક' યોજી હતી. આ બેઠક દરમિયાન તેમણે કાર્યકર્તાઓ સાથે સીધો સંવાદ સાધ્યો અને વિવિધ સંગઠનાત્મક વિષયો પર વિસ્તૃત ચર્ચા કરીને જરૂરી માર્ગદર્શન પૂરું પાડ્યું હતું.
આ પણ વાંચો
જ્યારે વિશ્વ યુદ્ધ જેવી ગંભીર સ્થિતિમાંથી પસાર થઈ રહ્યું હોય, ત્યારે એક જવાબદાર વિપક્ષે દેશની પડખે ઊભા રહેવાનું હોય. તેના બદલે રાહુલ ગાંધી પાર્લામેન્ટના પગથિયાં પર બેસીને માત્ર ચા-બિસ્કિટનો આનંદ માણી રહ્યા છે અને અફવાઓ ફેલાવી રહ્યા છે.
— Jagdish Vishwakarma (@iJagdishBJP) March 14, 2026
દેશની જનતાને ભડકાવવી અને ગેરમાર્ગે દોરવી એ… pic.twitter.com/IydOK9lAPc
વિદ્યાર્થીઓ સાથે સંવાદ અને વૃક્ષારોપણ
ડાંગ જિલ્લાના આ પ્રવાસ દરમિયાન પ્રદેશ અધ્યક્ષ જગદીશ વિશ્વકર્માએ પિંપરી સ્થિત રામ શબરી છાત્રાલયની પણ મુલાકાત લીધી હતી. તેમણે છાત્રાલયના વિદ્યાર્થીઓ સાથે સંવાદ કરીને તેમને ઉજ્જવળ ભવિષ્યની શુભકામનાઓ પાઠવી હતી. આ સામાજિક મુલાકાત દરમિયાન જગદીશ વિશ્વકર્માના હસ્તે વિદ્યાર્થીઓને નોટબુકનું વિતરણ કરવામાં આવ્યું અને તેઓ એક વૃક્ષારોપણ કાર્યક્રમમાં પણ સહભાગી થયા હતા.
ડાંગની પવિત્ર ધરા પર યાદગાર સાંજ...
— Jagdish Vishwakarma (@iJagdishBJP) March 14, 2026
આજે ડાંગ જિલ્લાના પ્રવાસ દરમ્યાન પિંપરી સ્થિત રામશબરી છાત્રાલયની મુલાકાત લઈ વિદ્યાર્થીઓ સાથે સંવાદ કર્યો તેમજ ઉજ્જવળ ભવિષ્યની શુભકામનાઓ સાથે નોટબુકનું વિતરણ કર્યું.
પર્યાવરણ જતનના સંકલ્પ સાથે વૃક્ષારોપણ કર્યું. બાળકોના ચહેરા પરનું સ્મિત… pic.twitter.com/eFXrbxwume
સંગઠનના અનેક કાર્યકર્તાઓ ઉપસ્થિત રહ્યા
આ સમગ્ર પ્રવાસ અને કાર્યક્રમો દરમિયાન રાજ્ય સરકારના મંત્રી નરેશ પટેલ, જયરામ ગામીત, પ્રદેશ ભાજપ મહામંત્રી ડૉ. પ્રશાંત કોરાટ, વિધાનસભાના નાયબ મુખ્ય દંડક વિજય પટેલ, સાંસદ ધવલ પટેલ અને જિલ્લા ભાજપ અધ્યક્ષ કિશોર ગાવિંત સહિત સંગઠનના અનેક પદાધિકારીઓ અને કાર્યકર્તાઓ ઉપસ્થિત રહ્યા હતા.