Silver Price Crash: MCX સીલ્વર તેના રેકોર્ડ હાઈ રૂપિયા 43,9337ની તુલનામાં 47 ટકા ગગડી ગયા છે. રેકોર્ડ હાઈથી ચાંદીનો દર રૂપિયા 2,06,737 નીચે આવી ગઈ છે. વર્તમાન સમયમાં MCX ખાતે રેટ રૂપિયા 2,32,600 લેવલ પર આવી ગઈ છે. રોકાણકારોના મનમાં હવે પ્રશ્ન એ છે કે શું ઘટી રહેલા ભાવની સ્થિતિમાં શું કરવું.
ચાંદીની કિંમતોમાં સતત ઘટાડો
નિષ્ણાતોના મતે તાજેતરનો ઘટાડો પ્રોફિટ બુકિંગનું પરિણામ છે. ગુરુવારે ચાંદીના ભાવમાં પણ નોંધપાત્ર ઘટાડો જોવા મળ્યો. 2 એપ્રિલે ડોનાલ્ડ ટ્રમ્પના ભાષણ પછી ચાંદીના ભાવમાં ઘટાડો થયો. MCX સિલ્વર ફ્યુચર્સ 4.48 ટકા ઘટ્યો. દરમિયાન 5 મેના કોન્ટ્રાક્ટમાં 7.8 ટકા અથવા 19001 ટકાનો ઘટાડો જોવા મળ્યો. આ પછી ભાવ ₹224,500 ના ઇન્ટ્રાડે નીચલા સ્તરે પહોંચી ગયો.
આંતરરાષ્ટ્રીય બજારમાં ચાંદીના ભાવમાં ઘટાડો
સ્થાનિક અને આંતરરાષ્ટ્રીય સ્તરે ચાંદીના ભાવમાં ઘટાડો થયો. હાજર ચાંદી 5.49 ડોલર અથવા 7.32 ટકા ઘટીને 69.57 ડોલર પ્રતિ ઔંસ થઈ ગઈ છે. ડોલરના ભાવમાં સતત વધારો સ્પષ્ટપણે ચાંદીના વેપાર પર અસર કરી રહ્યો છે. યુદ્ધ શરૂ થયા પછી ચાંદીના ભાવમાં 20 ટકાનો ઘટાડો થયો છે.
સોનાના ભાવમાં પણ ઘટાડો થયો
ઇન્ડિયન બુલિયન જ્વેલર્સ એસોસિએશનના અહેવાલ મુજબ, 1 એપ્રિલના રોજ સોનાનો ભાવ રૂપિયા 149,569 પ્રતિ 10 ગ્રામ હતો. 2 એપ્રિલ ગુરુવાર સવારે આ ભાવ ઘટીને રૂપિયા 145,507 થયો. એ નોંધવું જોઈએ કે IBJA દ્વારા જાહેર કરાયેલા ભાવો અનુસાર, ચાંદીનો ભાવ ₹224,600 પ્રતિ કિલોગ્રામ છે.
(આ સોના અને ચાંદીમાં રોકાણ કરવાની ભલામણ નથી. સોના અને ચાંદીના ભાવમાં વધારો અને ઘટાડો પાછળ ઘણા કારણો છે. તેથી, કોઈપણ રોકાણ કરતા પહેલા સાવધાની રાખો. અહીં રજૂ કરાયેલા નિષ્ણાતોના મંતવ્યો વ્યક્તિગત છે.