જો કે રીંગણનું શાક સ્વાસ્થ્ય માટે ફાયદાકારક છે, પરંતુ કેટલીક સમસ્યાઓમાં તેને ખાવાનું ટાળવું જોઈએ.
રીંગણમાં ઓક્સલેટ્સ વધુ હોય છે. આ કિડની પથરી થવાનું કારણ બની શકે છે. તેથી કિડનીની બીમારીથી પીડિત લોકોએ રીંગણનું સેવન ન કરવું જોઈએ.
રીંગણમાં જોવા મળતું નાસુનિન નામનું તત્વ શરીરમાં હાજર આયર્નને શોષી લે છે. તેથી આયર્નની ઉણપ હોય તેમણે રીંગણનું સેવન ટાળવું જોઈએ.
જે લોકોને પેટમાં બળતરા, ગેસ કે કબજિયાતની સમસ્યા હોય તેમણે રીંગણ ખાવાનું ટાળવું જોઈએ.
જો તમને રીંગણ ખાધા પછી ખંજવાળ, સોજો અથવા શ્વાસ લેવામાં તકલીફ હોય તો તમારે તાત્કાલિક ડૉક્ટરનો સંપર્ક કરવો જોઈએ.
સોલેનાઈન નામનું તત્વ રીંગણમાં જોવા મળે છે જે આર્થરાઈટીસના દર્દીઓમાં દુખાવો વધારી શકે છે.
કેટલાક અભ્યાસો સૂચવે છે કે રીંગણા કેટલીક એન્ટીડિપ્રેસન્ટ દવાઓની અસરોને ઘટાડી શકે છે. તેથી ડિપ્રેશનના દર્દીઓએ રીંગણનું સેવન કરતા પહેલા ડૉક્ટરની સલાહ લેવી જોઈએ.
સ્વાસ્થ્ય સંબંધિત તમામ અપડેટ માટે ગુજરાતી જાગરણ વાંચતા રહો.