લસણમાં મેંગેનીઝ, ફાઈબર, કેલ્શિયમ, કૉપર, પોટેશિયમ, ફૉસ્ફરસ, એન્ટી ઑક્સિડેન્ટ, એન્ટી બેક્ટેરિયલ, એન્ટી વાયરલ અને એન્ટી ફંગલ ગુણ હોય છે.
રાતે સૂતા પહેલા લસણની એક કળી ચાવી જવાથી વજન કંટ્રોલમાં રહે છે. હકીકતમાં લસણમાં હાઈ લેવલનું ફાઈબર મળી આવે છે. જે વજનને કંટ્રોલમાં રાખવાનું કામ કરે છે.
કાચા લસણની કળીનું સેવન રાતે કરવાથી હાડકા મજબૂત બને છે. હકીકતમાં કાચા લસણમાં કેલ્શિયમ સારા એવા પ્રમાણમાં મળી આવે છે.
જો તમે કૉલેસ્ટ્રોલના દર્દી હોવ, તો રાતે સૂતા પહેલા લસણની એક કાચી કળી અચૂક ચાવી જવી જોઈએ. લસણમાં એન્ટી હાઈપરલિપિડેમિયા ગુણ મળી આવે છે. જેના થકી કૉલેસ્ટ્રોલ કંટ્રોલમાં રહે છે.
શિયાળાની સિઝનમાં શરદી-ઉધરસ અને તાવ જેવી સિઝનલ બીમારી સામાન્ય છે. જેનાથી છૂટકારો મેળવવા માટે રાતે એક લસણની એક કળી ચાવી જવી જોઈએ, કારણ કે કાચુ લસણ ખાવાથી વ્યક્તિની રોગપ્રતિકારક શક્તિ વધે છે.
રાતે સૂવાના 30 મિનિટ પહેલા 1 કાચા લસણની કળીને હુંફાળા પાણી સાથે લઈ લો. આમ કરવાથી સ્વાસ્થ્યને અદ્દભૂત ફાયદો થાય છે.