ખાસ પ્રસંગોમાં હાથ અને પગ ચમકતા દેખાવા માટે પાર્લરમાં પેડિક્યોર કરાવવાની જરૂર નથી. આ સરળ ટિપ્સથી ઘરે જ કરો પ્રોફેશનલ જેવા પેડિક્યોર!
પ્રસંગોમાં પાર્લરમાં ભીડને કારણે ઘણો સમય લાગે છે અને ઘણા પૈસા પણ ખર્ચાય છે. પરંતુ આ ટ્રીટમેન્ટમાં પગની ડેડ સ્કિનને દૂર કરવામાં આવે છે, તિરાડ પડી ગયેલી હીલ્સને રિપેર કરે છે અને પગને ચમકદાર બનાવે છે.
સૌથી પહેલા નેઇલ પેઇન્ટ રીમૂવરથી જૂની નેઇલ પોલીસ દૂર કરો, પછી નખ કાપીને તમારી પસંદનો શેપ આપો. નખની સાફસફાઇ ખૂબ મહત્વપૂર્ણ છે.
એક ટબમાં ગરમ પાણી લો,તેમાં લીંબુના ટુકડા અને મીઠું ઉમેરો. તમારા પગને તેમાં 10–15 મિનિટ સુધી રાખો, આ પગની સ્કિનને નરમ બનાવશે અને ધૂળ દૂર કરશે.
સ્ક્રબિંગ કર્યા પછી, તમારા પગને ટુવાલ વડે સુકાવો. પછી મોઈશ્ચરાઈઝર અથવા નારિયેળ તેલ લગાવો અને હળવા હાથે મસાજ કરો.
સ્ક્રબ માટે એક ચમચી લીંબુનો રસ , બે ચમચી ખાંડ ,અડધી ચમચી નારિયેળ તેલ મિક્સ કરો. આ મિશ્રણથી પગને ધીમેથી ઘસો, પ્યુમિસ સ્ટોન વડે એડી અને ડેડ સ્કિન દૂર કરો અને પછી પગ ધોઈ લો.
સૌથી પહેલા બેઝ કોટ લગાવો, પછી તમારી મનપસંદ કલરની નેઇલ પોલીશ લગાવો. સેકન્ડ કોટ આપો જેથી નખ વધુ ગ્લોસી લાગે.
આ રીતે ફક્ત થોડા સ્ટેપમાં તમે ઘરે જ પાર્લર જેવી પેડિક્યોર ફિનિશ મેળવી શકો છો.વધુ માહિતી માટે ગુજરાતી જાગરણ વાંચતા રહો.