Sharp Aquos R11 launch price: જાપાનની પ્રખ્યાત ટેક કંપની Sharp એ તેની પ્રીમિયમ 'R' સિરીઝનો વિસ્તાર કરતા નવો ફ્લેગશિપ સ્માર્ટફોન Sharp Aquos R11 જાપાનમાં લોન્ચ કરી દીધો છે. આ સ્માર્ટફોન તેની અનોખી કેમેરા મોડ્યુલ ડિઝાઇન, પાવરફુલ પ્રોસેસર અને શાનદાર ડિસ્પ્લે બ્રાઇટનેસને કારણે ટેક માર્કેટમાં આકર્ષણનું કેન્દ્ર બન્યો છે.
કિંમત અને ઉપલબ્ધતા
જાપાનીઝ માર્કેટમાં Sharp Aquos R11 ની કિંમત JPY 163,899 રાખવામાં આવી છે, જે ભારતીય ચલણ પ્રમાણે આશરે ₹96,000 થાય છે. આ ફોન સિંગલ કન્ફિગરેશન એટલે કે 12GB RAM અને 512GB સ્ટોરેજ સાથે આવે છે. ગ્રાહકો માટે આ ફોન આઇવરી, નેવી અને ટેરાકોટા એમ ત્રણ આકર્ષક રંગોમાં ઉપલબ્ધ કરાવવામાં આવ્યો છે.
Sharp Aquos R11 ના મુખ્ય સ્પેસિફિકેશન્સ
ડીસ્પ્લે અને ઓપરેટિંગ સિસ્ટમ
આ ફોનમાં 6.5-ઇંચની ફુલ HD+ (1,080×2,340 પિક્સેલ્સ) પ્રો IGZO OLED સ્ક્રીન આપવામાં આવી છે. તેમજ આ ડિસ્પ્લે 1Hz થી 240Hz સુધીના અનુકૂલનશીલ રિફ્રેશ રેટને સપોર્ટ કરે છે, જે ગેમિંગ અને સ્ક્રોલિંગનો સ્મૂધ અનુભવ આપે છે; તડકામાં પણ સ્ક્રીન એકદમ સ્પષ્ટ દેખાય તે માટે તેમાં 3,600 nits ની પીક બ્રાઇટનેસ આપવામાં આવી છે. સોફ્ટવેરની વાત કરીએ તો આ ફોન લેટેસ્ટ એન્ડ્રોઇડ 16 પર ચાલે છે. કંપનીએ આ ફોન સાથે ૩ ઓપરેટિંગ સિસ્ટમ અપગ્રેડ અને 5 વર્ષના સિક્યોરિટી અપડેટ્સ આપવાની ખાતરી આપી છે.
પ્રોસેસર અને પર્ફોર્મન્સ
આ સ્માર્ટફોન ક્વાલકોમના અત્યંત શક્તિશાળી Snapdragon 8s Gen 4 ચિપસેટ દ્વારા સંચાલિત છે. બહેતર સ્પીડ અને હેવી મલ્ટિટાસ્કિંગ માટે તેમાં 12GB LPDDR5x RAM અને 512GB UFS 4.1 ઇન્ટરનલ સ્ટોરેજ આપવામાં આવ્યું છે.
કેમેરા સેટઅપ
ફોનની પાછળ ટ્રિપલ કેમેરા સેટઅપ છે, જેમાં f/1.9 એપરચર અને OIS સપોર્ટ ધરાવતો 50.3-મેગાપિક્સલનો મુખ્ય કેમેરો છે. આ ઉપરાંત, 50.3-મેગાપિક્સલનો અલ્ટ્રા-વાઇડ કેમેરો અને OIS સપોર્ટ સાથે 38.5-મેગાપિક્સલનો ટેલિફોટો કેમેરો સામેલ છે. આ સિસ્ટમ સચોટ કલર્સ માટે 14-ચેનલ સ્પેક્ટ્રલ સેન્સરથી સજ્જ છે. તેમજ ફ્રન્ટ કેમેરા સેલ્ફી અને વીડિયો કોલિંગ માટે ફોનની આગળના ભાગમાં 50.3-મેગાપિક્સલનો પાવરફુલ સેલ્ફી કેમેરો મળે છે.
બેટરી અને અન્ય ફીચર્સ
લાંબા પાવર બેકઅપ માટે આ ફોનમાં 5,100mAh ની દમદાર બેટરી છે, જે 36W ફાસ્ટ ચાર્જિંગને સપોર્ટ કરે છે; અને આ ફોન ધૂળ અને પાણીથી સુરક્ષિત રહેવા માટે IPX5, IPX8, IPX9 અને IP6X રેટિંગ ધરાવે છે. સાથે જ તે મિલિટરી-ગ્રેડ ટકાઉપણું ધોરણો MIL-STD-810G અને MIL-STD-810H ને પણ પૂર્ણ કરે છે. આમાં Wi-Fi 7, NFC, બ્લૂટૂથ 6.0, ઇન-ડિસ્પ્લે ફિંગરપ્રિન્ટ સ્કેનર અને ફેસ અનલોક જેવા આધુનિક ફીચર્સ ઉપલબ્ધ છે. ફોનનું વજન આશરે 195 ગ્રામ છે.