GT vs RR Weather Report, IPL 2026: ઇન્ડિયન પ્રીમિયર લીગ (IPL) 2026 ની 9મી મેચમાં આજે શનિવારે ગુજરાત ટાઇટન્સ (GT) અને રાજસ્થાન રોયલ્સ (RR) વચ્ચે અમદાવાદના નરેન્દ્ર મોદી સ્ટેડિયમ ખાતે ટક્કર થવા જઈ રહી છે. આ મેદાન પર 19મી સીઝનનો આ પ્રથમ મુકાબલો છે, ત્યારે ક્રિકેટ ચાહકો માટે હવામાનને લઈને રાહતના સમાચાર સામે આવ્યા છે.
GT vs RR Weather Report: કેવું રહેશે અમદાવાદનું હવામાન?
હવામાન વિભાગની આગાહી અનુસાર, મેચ દરમિયાન વરસાદનો કોઈ ખતરો નથી. દિવસભર આકાશ સ્વચ્છ રહેશે અને સૂર્યનો મિજાજ તેજ રહેશે. દિવસ દરમિયાન મહત્તમ તાપમાન 30°C ની આસપાસ રહેવાની શક્યતા છે. પવનની ગતિ પણ સામાન્ય એટલે કે 13 કિમી/કલાકની આસપાસ રહેશે, જે રમત માટે સાનુકૂળ પરિસ્થિતિ ઊભી કરશે.
સાંજે મેચના સમયે વાતાવરણ
મેચ શરૂ થવાના સમયે એટલે કે સાંજે 7:30 વાગ્યા સુધીમાં આકાશ સંપૂર્ણપણે ખુલ્લું અને સાફ રહેશે. જેમ જેમ રમત આગળ વધશે તેમ તાપમાનમાં થોડો ઘટાડો નોંધાશે.
- સાંજે 7:30 વાગ્યે: 29°C તાપમાન અને હળવો પવન.
- રાત્રે 8:30 વાગ્યે: 28°C સુધી પારો નીચે ઉતરશે.
- રાત્રે 9:30 વાગ્યે: 27°C તાપમાન સાથે ખુશનુમા વાતાવરણ રહેશે.
ટૂંકમાં, હવામાનમાં કોઈ અવરોધ ન હોવાથી ચાહકો સંપૂર્ણ 40 ઓવરની રસાકસીભરી મેચનો આનંદ માણી શકશે.
નરેન્દ્ર મોદી સ્ટેડિયમના રસપ્રદ આંકડા
અમદાવાદના આ ભવ્ય સ્ટેડિયમમાં અત્યાર સુધી કુલ 44 IPL મેચો રમાઈ છે, જેમાં આંકડાકીય રીતે અદભૂત સંતુલન જોવા મળે છે.
- પ્રથમ બેટિંગ કરનાર ટીમની જીત: 22 મેચ
- બીજી બેટિંગ કરનાર ટીમની જીત: 22 મેચ
Gujarat Titans IPL 2026 Squad । GT 2026 ની સંપૂર્ણ ટીમ
શુભમન ગિલ (કેપ્ટન), રાશિદ ખાન, જોસ બટલર, મોહમ્મદ સિરાજ, કાગીસો રબાડા, રાહુલ તેવટિયા, સાઈ સુદર્શન, શાહરૂખ ખાન, વોશિંગ્ટન સુંદર, પ્રસિદ્ધા કૃષ્ણા, આર. સાઈ કિશોર, ઈશાંત શર્મા, ગ્લેન ફિલિપ્સ, જયંત યાદવ, મોહમ્મદ અરશદ ખાન, કુમાર કુશાગ્રા, માનવ સુથાર, નિશાંત સિંધુ, ગુરનૂર સિંઘ બ્રાર, અનુજ રાવત, જેસન હોલ્ડર, ટોમ બેન્ટન, અશોક શર્મા, લ્યુક વુડ અને પૃથ્વી રાજ.
Rajasthan Royals IPL 2026 Squad । RR 2026 ની સંપૂર્ણ ટીમ
રિયાન પરાગ (કેપ્ટન), યશસ્વી જયસ્વાલ, ધ્રુવ જુરેલ, શિમરોન હેટમાયર, જોફ્રા આર્ચર, નાન્દ્રે બર્ગર, લુઆન-ડ્રે પ્રિટોરિયસ, ક્વેના માફાકા, વૈભવ સૂર્યવંશી, તુષાર દેશપાંડે, શુભમ દુબે, રવિન્દ્ર જાડેજા, સેમ કરન, યુદ્ધવીર સિંહ, સંદીપ શર્મા, રવિ બિશ્નોઈ, એડમ મિલ્ને, સુશાંત મિશ્રા, રવિ સિંહ, કુલદીપ સેન, યશરાજ પુંજ, વિગ્નેશ પુથુર, અમન રાવ અને બ્રિજેશ શર્મા.