જૂન 2026 એકાદશીની તારીખો: પરમા અને નિર્જળા એકાદશીનું મુહૂર્ત

11 જૂન 2026: પરમા એકાદશી

જૂન મહિનાની શરૂઆતમાં ક-ષ્ણ પક્ષમાં આવતી એકાદશીને પરમા એકાદશી તરીકે ઓળખવામાં આવે છે.

પૂજાનું મહત્વ: આ દિવસે ભગવાન વિષ્ણુના ત્રિવિક્રમ સ્વરૂપની પૂજા કરવામાં આવે છે. શાસ્ત્રો અનુસાર, આ વ્રત કરવાથી મનુષ્યના તમામ પાપોનો નાશ થાય છે અને જીવનમાં સુખ-શાંતિનો વાસ થાય છે.

પૂજા વિધિ: સવારે વહેલા બ્રહ્મમુહૂર્તમાં ઉઠીને સ્નાન કરવું. ભગવાન વિષ્ણુની મૂર્તિ કે છબી પાસે દીવો પ્રગટાવવો. પૂજામાં તુલસીદળ, પીળા ફૂલ અને ફળ અર્પણ કરવા. આખો દિવસ 'ૐ નમો ભગવતે વાસુદેવાય' મંત્રનો જાપ કરવો ઉત્તમ છે.

25 જૂન 2026: નિર્જળા એકાદશી (વર્ષની સૌથી મોટી અગિયારસ)

હિન્દુ કેલેન્ડરની 24 એકાદશીઓમાં નિર્જળા એકાદશીનું સ્થાન સૌથી ઊંચું છે. આ વ્રત જેઠ મહિનાના શુક્લ પક્ષમાં આવે છે.

ભીમ અગિયારસ: મહાભારતના કાળમાં મહાબલી ભીમસેન ભૂખ્યા રહી શકતા ન હતા, તેથી મહર્ષિ વ્યાસજીએ તેમને માત્ર આ એક જ એકાદશીનું વ્રત કરવા કહ્યું હતું. તેથી તેને ભીમસેની કે ભીમ અગિયારસ પણ કહેવાય છે.

વ્રતનો કઠોર નિયમ: નામ મુજબ, આ વ્રતમાં અન્ન જ નહીં પરંતુ પાણી પીવાની પણ મનાઈ હોય છે. વ્રતની શરૂઆત એકાદશીના સૂર્યોદયથી થાય છે અને બીજા દિવસે એટલે કે બારસના સૂર્યોદય પછી પારણા કરીને પાણી ગ્રહણ કરવામાં આવે છે.

પુણ્ય અને ફળ: પૌરાણિક માન્યતા છે કે માત્ર એક નિર્જળા એકાદશીનું સંપૂર્ણ નિષ્ઠાથી પાલન કરવાથી આખા વર્ષની તમામ એકાદશીઓનું પુણ્ય એકસાથે પ્રાપ્ત થઈ જાય છે.

એકાદશી વ્રતના સામાન્ય નિયમો

જો તમે જૂન મહિનામાં એકાદશીનું વ્રત કરવા જઈ રહ્યા છો, તો આ નિયમોનું પાલન ચોક્કસ કરો:

• એકાદશીના દિવસે ચોખા (ભાત) રાંધવા કે ખાવા વર્જિત છે.
• આ દિવસે ઘરમાં ડુંગળી, લસણ કે માંસાહારનો પ્રયોગ ન કરવો.
• કોઈની નિંદા કરવી નહીં અને બ્રહ્મચર્યનું પાલન કરવું.
• એકાદશીની સાંજે વિષ્ણુ સહસ્ત્રનામ અથવા ભગવદ્ ગીતાનો પાઠ કરવો.