Penguin Viral Video: વર્ષ 2026ની શરૂઆતમાં સોશિયલ મીડિયા પર એક અનોખું સેન્સેશન જોવા મળી રહ્યું છે. જર્મન ફિલ્મ નિર્માતા વર્નર હર્ઝોગની 2007ની ડોક્યુમેન્ટરી 'એનકાઉન્ટર્સ એટ ધ એન્ડ ઓફ ધ વર્લ્ડ' માંથી લેવામાં આવેલી એક નાની ક્લિપ આજે, ઇન્સ્ટાગ્રામ અને રેડિટ પર ધૂમ મચાવી રહી છે. આ વીડિયો એક એવા પેંગ્વિનનો છે જે પોતાના ગ્રુપથી અલગ થઈને અનંત બરફના પહાડો તરફ એકલો ચાલી નીકળે છે.
શું છે આ વીડિયોમાં?
સામાન્ય રીતે પેંગ્વિન હંમેશા સમૂહમાં રહે છે અને ખોરાક માટે સમુદ્ર તરફ જાય છે. પરંતુ આ ક્લિપમાં એક પેંગ્વિન દિશાહીન થઈને સમુદ્રને બદલે જમીનની અંદરના ભાગમાં, જ્યાં માત્ર નિર્જન બરફ છે, ત્યાં ચાલવા લાગે છે. હર્ઝોગ આ પ્રક્રિયાને "મોતનું માર્ચ" કહે છે, કારણ કે ત્યાં ખોરાક કે પાણી વિના જીવવું અશક્ય છે.
if this penguin doesn't penetrate your psyche so deeply that you are compelled to finally drop everything & chase your dreams.
— oscay (@oscaytrades) January 23, 2026
then you're doomed forever bro. pic.twitter.com/RoErFNmyGT
શા માટે તેને 'નિહિલિસ્ટ પેંગ્વિન' નામ મળ્યું?
ઈન્ટરનેટ યુઝર્સે તેને 'Nihilist Penguin' (નિહિલિસ્ટ પેંગ્વિન) નામ આપ્યું છે. 'નિહિલિઝમ' એટલે એવી વિચારધારા કે જેમાં માનવામાં આવે છે કે જીવનનો કોઈ અર્થ નથી. લોકો આ પેંગ્વિનને આધુનિક માનવીની ભાવનાઓ સાથે જોડી રહ્યા છે:
બર્નઆઉટ અને થાક: સતત કામ અને રૂટિનથી કંટાળીને બધું છોડી દેવાની ઈચ્છા.
એકલા પડવાની ભાવના: ભીડમાં પણ એકલતા અનુભવવી.
વિરોધ: દુનિયા જે તરફ જઈ રહી છે, તેનાથી વિરુદ્ધ દિશામાં શાંતિથી ચાલવા માંડવું.
વિજ્ઞાન શું કહે છે?
જ્યારે લોકો તેને ફિલોસોફી સાથે જોડે છે, ત્યારે વિજ્ઞાનીઓનું માનવું કંઈક અલગ છે:
ન્યુરોલોજિકલ સમસ્યા: પેંગ્વિન ક્યારેક બીમારી અથવા મગજની કોઈ ખામીને કારણે દિશા ભટકી જાય છે.
અકસ્માત: આ કોઈ ભાવનાત્મક નિર્ણય નથી પરંતુ પ્રાકૃતિક ખામી છે.
માનવીય દ્રષ્ટિકોણ: વિજ્ઞાનીઓ કહે છે કે માણસો પોતાની લાગણીઓ પ્રાણીઓ પર થોપે છે (Anthropomorphism), જેને કારણે આપણને એ પેંગ્વિન ઉદાસ લાગે છે.
ભલે વિજ્ઞાન ગમે તે કહે, પરંતુ આ 'નિહિલિસ્ટ પેંગ્વિન' આજે કરોડો લોકો માટે એક શાંત ક્રાંતિનું પ્રતીક બની ગયું છે, જે દર્શાવે છે કે ક્યારેક રસ્તો ભટકી જવું એ પણ એક ઊંડો અનુભવ હોઈ શકે છે.
નોંધ: ગુજરાતી જાગરણ આ વીડિયોની પૃષ્ટી કરતું નથી