PM Modi Pariksha Pe Charcha 2026: વડાપ્રધાન નરેન્દ્ર મોદીએ આજે 'પરીક્ષા પે ચર્ચા 2026' દરમિયાન વિદ્યાર્થીઓ સાથે સંવાદ કર્યો હતો. વિદ્યાર્થીઓના મનમાં રહેલા સવાલોનો વડાપ્રાધઆને વ્યવરાહું શૈલીમાં સમાધાન આપ્યું હતું. દરેક સવાલમાં વડાપ્રધાને સરસ ઉદાહરણ આપીને વિદ્યાર્થીઓને સમજાવ્યું હતું કે તેઓ માટે સારું શું છે.
સવાલ: જ્યારે શિક્ષકો, માતા-પિતા અને મિત્રો અલગ-અલગ અભ્યાસ પદ્ધતિ સૂચવે ત્યારે કઈ પદ્ધતિ સાચી ગણવી?
જવાબ: વડાપ્રધાને જણાવ્યું કે દરેક વ્યક્તિની ખાવાની કે ભણવાની રીત અલગ હોય છે. તમારે તમારી પોતાની પદ્ધતિ પર પૂરો ભરોસો રાખવો જોઈએ. અન્ય લોકો જે સૂચનો આપે તેને ધ્યાનથી સાંભળો અને સમજો, પરંતુ તેને કોઈના દબાણમાં આવીને નહીં પણ તમારા પોતાના અનુભવના આધારે તમારી પદ્ધતિમાં જોડો.
સવાલ: આજના સમયમાં આર્ટિફિશિયલ ઇન્ટેલિજન્સ (AI) નો સાચો ઉપયોગ કેવી રીતે કરવો?
જવાબ: AI તમારી શક્તિ વધારનારું હોવું જોઈએ, તમારી મહેનત ઘટાડનારું નહીં. AI પાસે સીધો જવાબ માંગવાને બદલે તેને પૂછો કે તમારે કયા સારા પુસ્તકો કે બાયોગ્રાફી વાંચવી જોઈએ. AI દ્વારા મળેલી માહિતીનો ઉપયોગ તમારા વ્યક્તિગત વિકાસ અને જ્ઞાન વધારવા માટે કરો.
સવાલ: 'વિકસિત ભારત 2047' માટે વિદ્યાર્થીઓએ શું કરવું જોઈએ?
જવાબ: વિદ્યાર્થીઓએ પોતાનામાં નવી સ્કીલ્સ વિકસાવવી જોઈએ, પોતાનો આત્મવિશ્વાસ વધારવો જોઈએ અને સ્વદેશી ચીજવસ્તુઓનો ઉપયોગ કરવાનો આગ્રહ રાખવો જોઈએ. આ ઉપરાંત, નાગરિક તરીકેના કર્તવ્યોનું પાલન કરવું, ગંદકી ન કરવી અને સ્વચ્છતા જાળવવી એ પણ વિકસિત ભારત તરફનું મોટું ડગલું છે.
સવાલ: પરિવાર સાધારણ હોય અને માતા-પિતા તમારા સપનાને સપોર્ટ ન કરે તો શું કહવું?
જવાબ: એક વીડિયો મારા મને સ્પર્શી ગયો હતો. એક પિતા બળદગાડીમાં સામાનભરીને જઈ રહ્યા હતા. એક બાળક સામાન પર બેસીને પુસ્તક વાંચી રહ્યો છે. તેણે કન્ફર્ટની ચિંતા ન કરી. તમારી માન્યતા છે કે સુવિધા હશે તો જ નંબર આવશે એવું નથી. નાના નાના પરિવારના વિદ્યાર્થીઓ હવે પ્રથમ નંબરે આવે છે. કન્ફર્ટ ઝોન જ જીવન બનાવે છે એવા ભ્રમમાં ન રહેવું.
સવાલ: મોટા સપનાને સાકાર કરવા શું કરવું
જવાબ: પીએમ મોદીએ કહ્યું કે બાયોગ્રાફી વાંચવી જોઈએ. શરૂઆતમાં દરેક વ્યક્તિ સામાન્ય હોય છે, જેથી તમારો વિશ્વાસ વધશે. તમે પોતાની જાતને તેમની સાથે રિલેટ કરશો અને પ્રેરણા મેળવી આગળ વધશો.
સવાલ: પરીક્ષા તૈયારી વખતે મહેમાન ઘરે આવીને સવાલો કરે ત્યારે શું કરવું
જવાબ: મહેમાન તમને કોઈ સવાલ પુછે તે પહેલા તમારે તેમને તેમના સમયે કેવી રીતે તૈયાર કરતા તેના વિશે પુછવું જોઈએ. જેનાથી ટેબલ આખું બદલાઈ જશે.
સવાલ: જો આપણે શિક્ષકની ભણાવવાની ઝડપ સાથે તાલ મિલાવી ન શકીએ અને પ્રકરણો છૂટી જાય તો તેને કેવી રીતે મેનેજ કરવું?
જવાબ: આ સમસ્યાના ઉકેલ માટે વિદ્યાર્થીઓએ શિક્ષક કરતા એક ડગલું આગળ રહેવું જોઈએ. જે પ્રકરણ ભણાવવાનું હોય તે પહેલાથી જ વાંચી લેવું જોઈએ અથવા ગૂગલ પર તેના વિશે માહિતી મેળવી લેવી જોઈએ. આનાથી તમારામાં જિજ્ઞાસા જાગશે, તમને વધુ સમજાશે અને તમે ક્યારેય પાછળ રહી ગયા હોવાનો ભાવ અનુભવશો નહીં.
સવાલ: જીવનમાં માર્ક્સ (ગુણ) વધારે જરૂરી છે કે સ્કીલ (કૌશલ્ય)?
જવાબ: જીવનમાં દરેક વસ્તુ વચ્ચે સંતુલન હોવું જોઈએ. સ્કીલ બે પ્રકારની હોય છે: લાઈફ સ્કીલ (જીવન જીવવાની કળા) અને પ્રોફેશનલ સ્કીલ. લાઈફ સ્કીલ એટલે કે સમયસર ઉઠવું, આત્મવિશ્વાસથી વાત કરવી વગેરે બાબતોમાં કોઈ બાંધછોડ ન કરવી જોઈએ. પ્રોફેશનલ સ્કીલ માટે માત્ર પુસ્તકો પૂરતા નથી, તેના માટે વ્યવહારુ અનુભવ લેવો અને ટેકનોલોજી સાથે અપડેટ રહેવું અનિવાર્ય છે.
સવાલ: પરીક્ષાના તણાવ અને થાકથી બચવા માટે ટાઈમ મેનેજમેન્ટ કેવી રીતે કરવું?
જવાબ: રાત્રે સૂતા પહેલા ડાયરીમાં બીજા દિવસે કરવાના જરૂરી કામોની યાદી બનાવો [૨૧]. બીજા દિવસે ચકાસો કે કયા કામ પૂરા થયા અને કયા બાકી રહ્યા.તમને સમજાશે કે તમે ક્યાં સમય બગાડ્યો છે (જેમ કે ફોન કે ટીવીમાં) [૨૧]. જો તમે સમયનો ઉત્પાદક ઉપયોગ શીખી લો, તો ક્યારેય દબાણ કે થાક લાગશે નહીં.
સવાલ: શું પરીક્ષામાં સારા માર્ક્સ લાવવા માટે માત્ર છેલ્લા કેટલાક વર્ષોના પેપર સોલ્વ કરવા પૂરતા છે?
જવાબ: માત્ર 10 વર્ષના પેપર કે મહત્વના પ્રશ્નો પર ધ્યાન કેન્દ્રિત કરવું એ એક 'બીમારી' છે જે સર્વાંગી વિકાસને અટકાવે છે. શિક્ષણ માત્ર પરીક્ષા માટે નથી પણ જીવન ઘડતર માટે છે. માર્ક્સ લાવવા માટે પોતાને મર્યાદિત ન કરો, પરંતુ સંપૂર્ણ સિલેબસ પર મહેનત કરો જેથી તમારા જીવનનો શ્રેષ્ઠ વિકાસ થાય.
સવાલ: ભણતી વખતે અન્ય વિચારો આવે અને ધ્યાન ભટકી જાય તો એકાગ્રતા કેવી રીતે વધારવી?
જવાબ: આપણે જે વસ્તુમાં પૂરેપૂરા ઇન્વોલ્વ (તલ્લીન) હોઈએ છીએ તે ક્યારેય ભૂલાતી નથી. એકાગ્રતા વધારવા માટે જે શીખો તેને મિત્રો સાથે શેર કરો. તમારાથી નબળા વિદ્યાર્થીને શીખવવાનો પ્રયત્ન કરો અથવા હોશિયાર વિદ્યાર્થી સાથે ચર્ચા કરો. જ્યારે તમે કોઈ વિષયમાં મનથી જોડાઈ જશો ત્યારે તમને તે લાંબા સમય સુધી યાદ રહેશે.