Neha Kakkar Announce Break: સિંગર નેહા કક્કર સામાન્ય રીતે તેના ગીતોને કારણે ચર્ચામાં રહે છે, પરંતુ આ વખતે તે સોશિયલ મીડિયા પોસ્ટને કારણે સમાચારોમાં છે. તાજેતરમાં તેણે એક ઈન્સ્ટાગ્રામ સ્ટોરી શેર કરી હતી, જેને તેણે થોડી જ મિનિટોમાં ડિલીટ પણ કરી દીધી હતી. જોકે, ત્યાં સુધીમાં આ પોસ્ટના સ્ક્રીનશોટ વાયરલ થઈ ગયા હતા અને ચાહકોમાં અનેક અટકળો શરૂ થઈ ગઈ હતી.
જવાબદારીઓ અને કામથી બ્રેક
નેહાએ પોતાની સ્ટોરીમાં એક ઈમોશનલ મેસેજ લખ્યો હતો કે જવાબદારીઓ, સંબંધો, કામ અને અત્યારે મારા મગજમાં જે પણ ચાલી રહ્યું છે, તે બધાથી બ્રેક લેવાનો સમય આવી ગયો છે. તેણે આગળ લખ્યું હતું કે તેને ખબર નથી કે તે પાછી ફરશે કે નહીં અને અંતમાં હાથ જોડેલું ઈમોજી પણ મૂક્યું હતું.
પ્રાઈવસી માટે અપીલ લોકો
આ પોસ્ટનો અર્થ સમજે તે પહેલાં જ નેહાએ બીજી સ્ટોરી શેર કરી હતી જેમાં તેણે મીડિયા અને પેપરાઝીને તેની પ્રાઈવસીનું સન્માન કરવાની વિનંતી કરી હતી. તેણે લખ્યું હતું કે હું પાપારાઝી અને ફેન્સને વિનંતી કરું છું કે મારી પ્રાઈવસીનું સન્માન કરો અને મને આઝાદીથી જીવવા દો, પ્લીઝ નો કેમેરા.
ટ્રોલિંગ અને ડિલીટ કરાયેલી સ્ટોરી
આ બંને સ્ટોરીઝ થોડી જ મિનિટોમાં ડિલીટ કરી દેવામાં આવી હતી, પરંતુ સોશિયલ મીડિયા પર તે ચર્ચાનો વિષય બની ગઈ છે. એવું માનવામાં આવે છે કે નેહાની આ પોસ્ટ્સ પાછળનું કારણ તેના તાજેતરમાં રિલીઝ થયેલા ગીત કેન્ડી શોપ/લોલીપોપને લઈને થઈ રહેલું ટ્રોલિંગ હોઈ શકે છે, જે 15 ડિસેમ્બર 2025 ના રોજ રિલીઝ થયું હતું. આ ગીતને લઈને નેહાને સોશિયલ મીડિયા પર ઘણી નેગેટિવિટીનો સામનો કરવો પડી રહ્યો હતો.