Turmeric shots benefits: આજકાલ બદલાતી જીવનશૈલી અને પ્રદૂષણને કારણે ઘણા લોકો ખીલ અને ત્વચાની સમસ્યાઓથી પરેશાન રહે છે. આ સ્થિતિને કંટ્રોલ કરવા માટે લોકો અવનવા ઉપાયો કરે છે. પ્રખ્યાત Nutritionist રિચા ગંગાણીના જણાવ્યા અનુસાર, હળદરના શોટ ખીલને રોકવામાં અત્યંત અસરકારક સાબિત થાય છે. આ દેશી હેલ્થ ડ્રિંકમાં શક્તિશાળી બળતરા વિરોધી અને એન્ટીઑકિસડન્ટ ગુણધર્મો હોય છે.
જો તમે નિયમિત 30 દિવસ સુધી સવારે હળદરના શોટ લો છો, તો તે માત્ર હોર્મોનલ અસંતુલનને કારણે થતા ખીલથી રાહત નથી આપતું, પરંતુ શરીરની રોગપ્રતિકારક શક્તિને પણ બૂસ્ટ કરે છે. ચાલો જાણીએ આ મેજિકલ શૉટ બનાવવાની રીત અને તેના અદભૂત ફાયદાઓ વિશે.
હળદરના શોટ બનાવવા માટેની સામગ્રી
- કાચી હળદરની ગાંઠ: ૪ નંગ (ભૂકો કરેલી)
- આદુ: ½ મોટો ટુકડો
- નારંગી: ૧ નંગ
- ગાજર: ૧ નંગ
- જ્યુસર: રસ કાઢવા માટે
બનાવવાની સરળ રીત
સૌ પ્રથમ હળદર, આદુ, ગાજર અને નારંગીને સ્વચ્છ પાણીથી બરાબર ધોઈ લો. ત્યારબાદ આ બધી સામગ્રીને જ્યુસરમાં નાખીને તેનો તાજો રસ કાઢી લો. આ રસને એક નાના શોટ ગ્લાસમાં કાઢીને પીવો. જો રસ વધારે બની ગયો હોય, તો તેને કાચની બોટલમાં ભરીને ૩-૪ દિવસ માટે રેફ્રિજરેટરમાં સ્ટોર પણ કરી શકાય છે.
30 દિવસ સુધી હળદરના શોટ પીવાના ફાયદા
રોગપ્રતિકારક શક્તિમાં વધારો
હળદરમાં 'કર્ક્યુમિન' નામનું તત્વ હોય છે, જે ઈમ્યુનિટી વધારવામાં બેજોડ છે. તેમાં રહેલા એન્ટિબેક્ટેરિયલ, એન્ટિફંગલ અને એન્ટીવાયરલ ગુણો શરીરને વાયરલ ચેપ અને બીમારીઓ સામે રક્ષણ આપે છે.
એન્ટીઑકિસડન્ટથી ભરપૂર
આ પીણામાં હળદરની સાથે આદુ અને નારંગી પણ છે, જે એન્ટીઑકિસડન્ટનો ભંડાર છે. તે શરીરને ઓક્સિડેટીવ તણાવથી બચાવે છે અને ફ્રી રેડિકલ્સની નુકસાનકારક અસરો રોકે છે.
ખીલ અને સોજામાં રાહત
શરીરમાં આંતરિક સોજોએ ખીલ થવાનું મુખ્ય કારણ છે. હળદર અને આદુના બળતરા વિરોધી ગુણો ત્વચાનો સોજો ઘટાડીને ખીલ થતા અટકાવે છે.
બેક્ટેરિયાનો નાશ
હળદરમાં રહેલા એન્ટિમાઇક્રોબાયલ ગુણધર્મો ખીલ પેદા કરતા બેક્ટેરિયાને મૂળમાંથી ખતમ કરે છે.
સૂર્યના કિરણોથી રક્ષણ
આ ડ્રિંકમાં વપરાયેલું નારંગી વિટામિન સીથી ભરપૂર હોય છે. વિટામિન સી ત્વચાને સૂર્યના હાનિકારક યુવી (UV) કિરણોથી બચાવવાનું કામ કરે છે.
બ્લડ સુગર અને હોર્મોન્સનું સંતુલન
હળદર કુદરતી ગ્લુકોઝ રેગ્યુલેટર છે. તે લોહીમાં શર્કરાનું સ્તર સ્થિર રાખે છે, જેનાથી હોર્મોન્સ સંતુલિત રહે છે અને પરોક્ષ રીતે ત્વચા ગ્લોઇંગ બને છે.
DISCLAIMER: દરેકના શરીરની તાસીર અલગ અલગ હોય છે. આ આર્ટિકલ્સ અને સોશિયલ મીડિયા હેન્ડલ્સના માધ્યમથી સાચી, સુરક્ષિત અને વિશેષજ્ઞ દ્વારા વેરિફાઈડ માહિતી લાવવી જ અમારો પ્રયત્ન છે, પરંતુ છતાં પણ કોઈ પણ હોમ રેમેડી, હેક કે ફિટનેસ ટિપને ટ્રાય કરતાં પહેલાં તમારા ડોક્ટરની સલાહ ચોક્કસથી લેવી. તમારો અભિપ્રાય અમને gujaratijagran@jagrannewmedia.com પર મોકલી શકો છો.