Full Hand Mehndi Designs For Brides 2026: લગ્નની સીઝન શરૂ થતાની સાથે જ દરેક કન્યાના મનમાં પોતાની સજાવટને લઈને અનેક સવાલો હોય છે, જેમાં મહેંદી સૌથી મહત્વની છે. ભારતીય સંસ્કૃતિમાં દુલ્હનની મહેંદી માત્ર શણગાર નથી, પણ સૌભાગ્યની નિશાની માનવામાં આવે છે. આજકાલ ભલે મિનિમલિસ્ટિક ડિઝાઇનનો ટ્રેન્ડ હોય, પણ 'ફુલ હેન્ડ' એટલે કે કોણી સુધીની ભરાવદાર મહેંદીનો ક્રેઝ આજે પણ અકબંધ છે. જો તમે પણ તમારા લગ્ન માટે શ્રેષ્ઠ ડિઝાઇન શોધી રહ્યા છો, તો આ 5 શૈલીઓ તમને ખૂબ જ પસંદ આવશે.
ભારે ફ્લોરલ (Floral) બ્રાઇડલ ડિઝાઇન
ફ્લોરલ ડિઝાઇન ક્યારેય ફેશનમાંથી બહાર જતી નથી. આ ડિઝાઇનમાં નાના-મોટા ફૂલોનો ઉપયોગ કરીને આખા હાથને કવર કરવામાં આવે છે. આ લુકને વધુ આકર્ષક બનાવવા માટે તેની સાથે 'જાલ' (મેશ) અને 'ઝુમ્મર' પેટર્ન ઉમેરી શકાય છે. પરંપરાગત અને આધુનિકતાનો આ સંગમ હથેળીથી લઈને પાછળના હાથ સુધી સુંદર દેખાય છે. જો તમે ઘાટી અને સ્પષ્ટ મહેંદી પસંદ કરતા હોવ, તો આ શ્રેષ્ઠ વિકલ્પ છે.
કમાનો, જાળી અને પવિત્ર ફૂલોની ડિઝાઇન
હિન્દુ સંસ્કૃતિમાં ગુલાબ અને કમળના ફૂલોને ખૂબ જ શુભ માનવામાં આવે છે. આ ડિઝાઇનમાં કાંડા પાસે સુંદર 'કમાન' (Arch) બનાવીને તેની અંદર બારીક જાળીકામ કરવામાં આવે છે. આંગળીઓ પર વેલા અને બિંદુઓની બોર્ડર બનાવીને તેને હથેળીના મુખ્ય ભાગ સાથે જોડવામાં આવે છે. અર્ધ-ચંદ્ર અને નાના પેચ વર્ક આ ડિઝાઇનને એક શાહી લુક આપે છે.
ઝરોખા અને બ્લોક મહેંદી (ઝડપી અને સુંદર)
ઘણી કન્યાઓને કલાકો સુધી બેસી રહેવું ગમતું નથી. તેમના માટે 'ઝરોખા' અને 'બ્લોક' ડિઝાઇન ઉત્તમ છે. આમાં મહેંદી કલાકાર હાથ પર મોટા બ્લોક્સ અથવા બારી જેવા ઝરોખા બનાવે છે, જેમાં ફૂલોની આકૃતિઓ હોય છે. આ ડિઝાઇન ઓછી મહેનતે હાથને ભરાવદાર બતાવે છે અને ફોટામાં પણ ખૂબ જ આકર્ષક લાગે છે.
મોર (Peacock) અને રાજસ્થાની ટચ
મોરની ડિઝાઇન વિના બ્રાઇડલ મહેંદી અધૂરી ગણાય. મોરના પીંછાની જટિલતા અને તેની સાથે હાથી (Elephant motifs) ઉમેરવાથી મહેંદીમાં રાજસ્થાની રાજા-મહારાજા જેવો ઠાઠ જોવા મળે છે. આ ડિઝાઇનમાં 'ક્રોસ-લેસ' વર્ક કરવાથી તે વધુ ઊપસી આવે છે અને રગ (Stain) આવ્યા પછી ખૂબ જ સુંદર લાગે છે.
પરંપરાગત 'કેરી' (Paisley) ડિઝાઇન
જો તમને એકદમ ક્લાસિક દેખાવ ગમતો હોય, તો 'કેરી' ડિઝાઇન સદાબહાર છે. આમાં પાંદડા, લતા અને પરાગ જેવી બારીક વિગતો હોય છે. એક ડિઝાઇનને બીજી સાથે જોડવા માટે લેસ વર્કનો ઉપયોગ થાય છે. આંગળીઓ પર બોલ્ડ ફ્લોરલ આર્ટ અને હથેળીમાં કેરીની લકીરો એક પરંપરાગત ભારતીય દુલ્હનનો અસલી લુક આપે છે.
મહેંદી લગાવતા પહેલા તમારી પસંદગીની ડિઝાઇનનો ફોટો તમારા મહેંદી આર્ટિસ્ટને અગાઉથી બતાવો જેથી તેઓ તેને તમારી ઈચ્છા મુજબ કસ્ટમાઇઝ કરી શકે.