Kutch News: ભૂ-માફિયાઓ સામે નાયબ મુખ્યમંત્રી હર્ષ સંઘવીની "ઝીરો-ટોલરન્સ" નીતિનું પાલન કરીને, કચ્છ જિલ્લા વહીવટીતંત્ર અને પોલીસ વિભાગે વર્ષોથી વન વિભાગની 10 હજાર વર્ગ મીટર જમીન પર ગેરકાયદેસર કબજો જમાવનાર હારુન અયુબની હોટેલને તોડી પાડી હતી. સરકારને આધુનિક પોલીસ સ્ટેશન, પોલીસ આવાસ અને આધુનિક બગીચાના નિર્માણ માટે જગ્યા સરકારને સોંપી દીધી.
હારુન અયુબે સરકારી જમીન પર હોટેલ બાંધી
કચ્છનું પ્રવેશદ્વાર ગણાતું રાધનપુર-સામખીયાળી હાઈવે પર વન વિભાગની 10 હજાર ચોરસ મીટર જમીન પર માફિયા હારુન અયુબ હિંગરોજાએ એક ભવ્ય હોટેલ બનાવી હતા. કરોડો રુપિયાની આ કિંમતી જમીન પર તેણે સહારા હોટલ નામનું રેસ્ટોરેન્ટ અને હોટેલ બનાવી રાખી હતી.
પોલીસ અને વહીવટી તંત્રે ફેરવ્યું બુલડોઝર
માફિયા હારુનના ગુનાહિત દબદબાના લીધે, વહીવટી તંત્ર અને પોલીસે લાંબા સમયથી તેની સામે કાર્યવાહી કરવાનું ટાળ્યું હતું. જોકે, નાયબ મુખ્યમંત્રી હર્ષ સંઘવીની સરકારી જમીનના અતિક્રમણ સામે કડક કાર્યવાહીના નિર્દેશને પગલે, જિલ્લા વહીવટી તંત્ર અને પોલીસ વિભાગે હોટેલ પર બુલડોઝર ફેરવી નાખ્યું હતું.ૉ
જમીન પોલીસ વિભાગને સોંપાશે
સંઘવીએ જાહેર સલામતી અને કાયદાના અમલીકરણ હેતુઓ માટે જમીન પોલીસ વિભાગને સોંપવાનો નિર્ણય લીધો છે. સુરક્ષાના દૃષ્ટિકોણથી, આ સ્થળે એક ભવ્ય પોલીસ સ્ટેશન સંકુલ બનાવવામાં આવશે, જેમાં પોલીસ આવાસ, સ્ટેશન હાઉસ ઓફિસર (SHO) માટે એક ઓફિસ, એક લોક-અપ, એક રેકોર્ડ રૂમ અને એક બગીચો હશે. જિલ્લા કલેક્ટરે સ્થળની મુલાકાત લીધી અને જિલ્લા પોલીસ અધિક્ષક સાગર બાગમરને જમીન ફાળવણી પત્ર સોંપ્યો.