Bhavnagar: મુસાફરોની સુવિધા અને ટ્રેનોમાં વધતા ધસારાને ધ્યાનમાં રાખીને પશ્ચિમ રેલવેના ભાવનગર મંડળ દ્વારા બે મહત્વની ટ્રેનોમાં વધારાના કોચ લગાવવાનો મહત્વનો નિર્ણય લેવામાં આવ્યો છે. આ ફેરફાર 1 ફેબ્રુઆરી એટલે કે આજથી અમલી બનશે.
ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠીના જણાવ્યા અનુસાર, મુસાફરોની સુખદાયી મુસાફરી માટે નીચે મુજબની ટ્રેનોમાં હંગામી ધોરણે કોચ વધારવામાં આવ્યા છે:
ભાવનગર–ઓખા–ભાવનગર એક્સપ્રેસ (19209/19210): આ ટ્રેનમાં મુસાફરોની માંગને જોતા એક થર્ડ એસી (3rd AC) કોચ વધારવામાં આવ્યો છે. જેનો લાભ 01.02.2026 થી 05.02.2026 સુધી મળશે.
ભાવનગર–સાબરમતી–ભાવનગર ઇન્ટરસિટી (20966/20965): આ ટ્રેનમાં સામાન્ય વર્ગના મુસાફરોની ભીડને ઓછી કરવા માટે 4 વધારાના જનરલ કોચ જોડવામાં આવશે. આ સુવિધા પણ 01.02.2026 થી 05.02.2026 સુધી ઉપલબ્ધ રહેશે.
રેલવે પ્રશાસન દ્વારા લેવાયેલા આ તાત્કાલિક નિર્ણયથી ઓખા અને સાબરમતી તરફ જતા હજારો મુસાફરોને મોટી રાહત મળશે. ટ્રેનના સમય અને સ્ટોપેજ અંગેની વધુ માહિતી માટે મુસાફરો રેલવેની સત્તાવાર વેબસાઇટ (www.enquiry.indianrail.gov.in) ની મુલાકાત લઈ શકે છે.