Damaru Gujarati Movie Release Date: છેલ્લા કેટલાક સમયથી ગુજરાતમાં કોમેડી અને સસ્પેન્સ ફિલ્મોનો ટ્રેન્ડ ચાલી રહ્યો છે, ત્યારે વધુ એક મજેદાર કોમેડી અને ધમાકેદાર ફિલ્મ 'ડમરૂ' (DAMARU) નું ફર્સ્ટ લુક પોસ્ટર રિલીઝ કરવામાં આવ્યું છે. 'ગુજોત્સવ પ્રોડક્શન' (GUJOTSAV PRODUCTIONS) અને 'વ્રજ ફિલ્મ્સ' (VRAJ FILMS) ના બેનર હેઠળ બનેલી આ ફિલ્મ વિશે એવી ચર્ચા છે કે તે અત્યાર સુધીની સૌથી મોટી મલ્ટી-સ્ટારર અને કન્ફ્યુઝનથી ભરેલી રાઈડ હશે. ફિલ્મના મેકર્સ દ્વારા આ ફિલ્મની રિલીઝ ડેટ પણ જાહેર કરી દેવામાં આવી છે. પોસ્ટર રિલીઝ થતાં જ લોકોમાં ફિલ્મ પ્રત્યેનો ઉત્સાહ બમણો થઈ ગયો છે.
કન્ફ્યુઝન, કોમેડી અને કૅશનો જોરદાર કોમ્બો
આ નવા પોસ્ટર પર નજર કરીએ તો, તેમાંથી કન્ફ્યુઝન અને મસ્તીની ભરપૂર ઝલક મળે છે. ફિલ્મમાં "મની રેઈન!" (MONEY RAIN!), "લાફ રાયોટ!" (LAUGH RIOT!), અને "ચાઓસ એન્ડ કેશ!" (CHAOS & CASH!) જેવા કોમેન્ટ્સ એ વાત તરફ ઈશારો કરે છે કે આ ફિલ્મમાં પૈસા માટે થતા ગેરસમજ અને હાસ્યસ્પદ ઘટનાઓનો જોરદાર કોમ્બો જોવા મળશે. પોસ્ટરમાં ડઝનથી વધુ જાણીતા કલાકારો છે, જેમાં કેટલાક પાત્રો પોલીસ યુનિફોર્મમાં, કેટલાક ચિંતિત, અને કેટલાક આશ્ચર્યજનક હાવભાવ આપતા જોવા મળે છે. પોસ્ટરમાં કલાકારો હવામાં ડમરૂ પકડતા અને કિંમતી હીરા ઉડતા હોય તેવું પણ દર્શાવવામાં આવ્યું છે, જે વાર્તાના ટ્વિસ્ટની સંકેત આપે છે. સૌથી મજેદાર વાત તો એ છે કે, પોસ્ટરની નીચેની બાજુએ દર્શાવેલા કલાકારો એક વિમાનની બહાર નીકળી રહ્યા હોય અને તેમની પાછળ પણ ડમરૂ અને હીરા ઉડતા હોય તેવું બતાવવામાં આવ્યું છે. આ એક ચોક્કસપણે એક રોમાંચક એડવેન્ચર-કોમેડી હશે તેવું લાગે છે.
સ્ટાર પાવર અને રિલીઝ વિગતો
ફિલ્મ 'ડમરૂ' ના દિગ્દર્શક હાર્દિક જે. પરીખ (HARDIK J. PAREEKH) છે. ફિલ્મના નિર્માતા રમેશ પ્રજાપતિ (RAMESH PRAJAPATI), કૃપા સોની (KRUPA SONI), અને સંજય સોની (SANJAY SONI) છે. આ મલ્ટી-સ્ટારર કોમેડી-ડ્રામા 31 જૂલાઇ 2026 ના રોજ સિનેમાઘરોમાં રિલીઝ થવા માટે સંપૂર્ણપણે તૈયાર છે. ફિલ્મના શાનદાર ફર્સ્ટ લુક પોસ્ટરે દર્શકોમાં ફિલ્મ જોવાની આતુરતા વધારી દીધી છે. એ જોવું ખૂબ જ રસપ્રદ રહેશે કે આટલા બધા જાણીતા કલાકારોની જોડી સ્ક્રીન પર શું ધમાલ મચાવે છે.