Neena Gupta Pregnancy News: બોલિવૂડની દિગ્ગજ અને બિન્દાસ અભિનેત્રી નીના ગુપ્તા ફરી એકવાર ચર્ચામાં છે. તાજેતરમાં સોશિયલ મીડિયા પર તેમની પ્રેગ્નન્સીને લઈને ચાલી રહેલી અટકળોએ જોર પકડ્યું હતું. 66 વર્ષની ઉંમરે અભિનેત્રી ગર્ભવતી હોવાના સમાચારો વાયરલ થયા બાદ, આખરે નીના ગુપ્તાએ પોતે સામે આવીને સત્ય જાહેર કર્યું છે.
ક્યાંથી શરૂ થયો વિવાદ?
તાજેતરમાં સાઉથ સુપરસ્ટાર વિજય દેવરકોંડા અને રશ્મિકા મંદનાના લગ્નનું ભવ્ય રિસેપ્શન યોજાયું હતું. આ કાર્યક્રમમાં નીના ગુપ્તા તેમના પતિ વિવેક મહેરા સાથે વ્હાઈટ સાડીમાં પહોંચ્યા હતા. પાપારાઝી દ્વારા લેવામાં આવેલા ફોટામાં સાડીના જાડા કાપડને કારણે તેમનું પેટ થોડું બહાર દેખાતું હતું, જેને જોઈને સોશિયલ મીડિયા યુઝર્સે અટકળો લગાવવાનું શરૂ કર્યું કે શું અભિનેત્રી ગર્ભવતી છે?
અભિનેત્રીનો રમુજી અને સ્પષ્ટ જવાબ
આ અફવાઓ પર પ્રતિક્રિયા આપતા નીના ગુપ્તાએ પોતાની આગવી શૈલીમાં મૌન તોડ્યું છે. બોલિવૂડ હંગામા સાથેની વાતચીતમાં તેમણે હસતા હસતા કહ્યું, 'આ બિલકુલ મારી ફિલ્મ બધાઈ હો ના સીન જેવું લાગે છે. હું ગર્ભવતી નથી. હકીકતમાં સાડીનું કાપડ એટલું જાડું હતું કે તેને કારણે મારું પેટ બહાર નીકળતું હોય તેવું દેખાયું હતું.'
Is this for real? Pregnant at 66!
Seeing news since two days about her pregnancy at the age of 66! Don’t know if it’s real or fake but her tummy doesn’t look normal ! pic.twitter.com/EyX7KWS38s
તેમણે વધુમાં ઉમેર્યું કે, 'જોકે, મારે કહેવું જ જોઈએ કે આ ઉંમરે મારી પ્રેગ્નન્સી વિશે જે સમાચારો ફરી રહ્યા છે તે મને ખૂબ જ આનંદદાયક લાગે છે. આનાથી તે સાબિત થાય છે કે એક રાષ્ટ્ર તરીકે આપણે કેટલો વિકાસ કરી રહ્યા છીએ અને આપણી વિચારધારા કેટલી બદલાઈ રહી છે.'
અંગત જીવન અને સંઘર્ષ
નીના ગુપ્તાનું અંગત જીવન હંમેશા ચર્ચામાં રહ્યું છે. ભૂતકાળમાં વેસ્ટ ઈન્ડિઝના દિગ્ગજ ક્રિકેટર વિવિયન રિચાર્ડ્સ સાથેના તેમના સંબંધો અને લગ્ન વિના પુત્રી મસાબા ગુપ્તાને જન્મ આપવાનો તેમનો નિર્ણય તે સમયે ખૂબ જ સાહસિક માનવામાં આવતો હતો. તેમણે એક સિંગલ મધર તરીકે મસાબાનો ઉછેર કર્યો છે. ત્યારબાદ વર્ષ 2008 માં તેમણે દિલ્હીના ચાર્ટર્ડ એકાઉન્ટન્ટ વિવેક મહેરા સાથે લગ્ન કર્યા હતા.
કરિયરની બીજી ઇનિંગ
અભિનેત્રીએ બધાઈ હો, પંચાયત અને બદલા જેવી ફિલ્મો અને વેબ સિરીઝ દ્વારા બોલિવૂડમાં શાનદાર વાપસી કરી છે. તેમની દમદાર એક્ટિંગ માટે તેમને નેશનલ એવોર્ડથી પણ નવાજવામાં આવ્યા છે. હાલમાં તેઓ તેમના અંગત અને વ્યાવસાયિક જીવનમાં ખૂબ જ ખુશ છે અને આ પ્રેગ્નન્સીની અફવાઓને તેમણે માત્ર એક ગેરસમજ ગણાવીને ફગાવી દીધી છે.