March 2026 Gujarati Calendar: હોળી, ચૈત્રી નવરાત્રી અને ઈદ સહિતના તહેવારોની જામશે હેલી; જુઓ સંપૂર્ણ યાદી

March 2026 Gujarati Calendar: વર્ષ 2026નો માર્ચ મહિનો ભારતીય સંસ્કૃતિના વિવિધ રંગોને પોતાની અંદર સમેટીને આવી રહ્યો છે. ફાગણ મહિનાની મસ્તી અને ચૈત્ર મહિનાની ભક્તિનો અનોખો સંગમ આ મહિનામાં જોવા મળશે. મહિનાની શરૂઆત જ રંગોના તહેવાર હોળી-ધૂળેટીથી થશે, જ્યારે મહિનાના અંત ભાગમાં રામ નવમી અને મહાવીર જયંતિ જેવા પવિત્ર દિવસો આવશે.

હોળી-ધૂળેટી અને વસંતોત્સવ

માર્ચ મહિનાની શરૂઆતમાં જ 2 માર્ચના રોજ હોલિકા દહન અને 3 માર્ચના રોજ ધૂળેટીનો પર્વ મનાવવામાં આવશે. આ સાથે જ 8 માર્ચના રોજ રંગ પંચમીની ઉજવણી સાથે હોળીના ઉત્સવોનું સમાપન થશે. 4 માર્ચથી વસંતોત્સવનો પ્રારંભ થશે, જે પ્રકૃતિ અને માનવ જીવનમાં નવા ઉત્સાહનો સંચાર કરશે.

ચૈત્રી નવરાત્રી અને ગુડી પડવો

19 માર્ચના રોજ ફાગણ વદ અમાસના દિવસે ચૈત્ર નવરાત્રીનો પ્રારંભ થશે. આ દિવસને મહારાષ્ટ્રમાં 'ગુડી પડવો' અને દક્ષિણ ભારતમાં 'ઉગાડી' તરીકે ધામધૂમથી મનાવવામાં આવે છે. આ દિવસથી હિન્દુ નવા વર્ષના પંચાંગ મુજબ નવા વર્ષની પણ શરૂઆત થતી હોય છે.

ઈદ-ઉલ-ફિત્ર અને ચેટીચાંદ

20 માર્ચના રોજ સિંધી સમાજનો પવિત્ર તહેવાર 'ચેટીચાંદ' મનાવવામાં આવશે. તેની સાથે જ 21 માર્ચના રોજ મુસ્લિમ બિરાદરોનો સૌથી મોટો તહેવાર 'રમઝાન ઈદ' (ઈદ-ઉલ-ફિત્ર) ઉજવાશે, જે ભાઈચારા અને શાંતિનો સંદેશ આપે છે.

રામ નવમી અને મહાવીર જયંતિ

માર્ચના છેલ્લા સપ્તાહમાં 27 માર્ચના રોજ ભગવાન શ્રીરામનો જન્મોત્સવ 'રામ નવમી' મનાવવામાં આવશે. મહિનાના અંતે 31 માર્ચના રોજ જૈન ધર્મના 24માં તીર્થંકર ભગવાન મહાવીર સ્વામીની જયંતિ (મહાવીર જયંતિ) ઉજવવામાં આવશે.

માર્ચ 2026 વ્રત-તહેવાર (March 2026 Gujarati Festivals)