Hexagon Nutrition IPO GMP: ન્યુટ્રિશન અને હેલ્થ સેક્ટર સાથે સંકળાયેલી અગ્રણી કંપની હેક્સાગોન ન્યુટ્રિશન (Hexagon Nutrition) નો IPO આજથી રોકાણકારો માટે ખુલી ગયો છે. આ એક રિસર્ચ આધારિત ન્યુટ્રિશન કંપની છે, જેના ઉત્પાદનોની માંગ દેશ અને દુનિયામાં વ્યાપક છે. ગ્રે માર્કેટમાં આ ઇશ્યૂને લઈને સારો ઉત્સાહ જોવા મળી રહ્યો છે અને તે મજબૂત પ્રીમિયમ સાથે ટ્રેડ થઈ રહ્યો છે.
ગ્રે માર્કેટમાં ધમાકેદાર એન્ટ્રી: 26% પ્રીમિયમનો સંકેત
ગ્રે માર્કેટના ટ્રેન્ડ્સ અનુસાર, Hexagon Nutrition IPO નું GMP હાલમાં 26% ની આસપાસ ચાલી રહ્યું છે. કંપનીએ આ IPO માટે 42-45 રૂપિયા પ્રતિ શેરની પ્રાઇસ બેન્ડ નક્કી કરી છે.
IPO નું કદ અને મહત્વની તારીખો
કંપની આ IPO દ્વારા બજારમાંથી 138.87 કરોડ રૂપિયા એકત્રિત કરવા જઈ રહી છે. આ ઇશ્યૂ સંપૂર્ણપણે ઓફર ફોર સેલ (OFS) આધારિત છે, જે અંતર્ગત વર્તમાન શેરધારકો દ્વારા 3.09 કરોડ શેર્સ વેચવામાં આવશે.
સબ્સ્ક્રિપ્શન ટાઈમ: 5 જૂન 2026 થી 9 જૂન 2026 સુધી
શેર અલોટમેન્ટ: 10 જૂન 2026
શેર લિસ્ટિંગ (NSE અને BSE પર): 12 જૂન 2026
લોટ સાઈઝ અને રોકાણની મર્યાદા
રિટેલ રોકાણકારો માટે આ IPO માં ઓછામાં ઓછો 1 લોટ નક્કી કરવામાં આવ્યો છે, જેમાં 333 શેર્સ રહેશે. આ માટે રિટેલ ઇન્વેસ્ટરે લઘુત્તમ 14,985 રૂપિયાનું રોકાણ કરવું પડશે. આ સિવાય, sNII કેટેગરીના રોકાણકારો માટે લઘુત્તમ રોકાણ 2,09,790 રૂપિયા અને bNII કેટેગરીના રોકાણકારો માટે 10,03,995 રૂપિયા નક્કી કરાયું છે.
કંપની પ્રોફાઇલ અને વ્યાપાર વિસ્તરણ
વર્ષ 1993 માં સ્થપાયેલી હેક્સાગોન ન્યુટ્રિશન એક રિસર્ચ ઓરિએન્ટેડ કંપની છે. કંપની પ્રિમેચ્યોર અને ક્લિનિકલ ન્યુટ્રિશન, માઇક્રોન્યુટ્રિએન્ટ પ્રીમિક્સ, વેલનેસ પ્રોડક્ટ્સ, થેરાપ્યુટિક્સ ફોર્મ્યુલેશન અને રેડી-ટુ-યુઝ ફૂડ્સનું ઉત્પાદન કરે છે. કંપની ભારતમાં 358 થી વધુ ડિસ્ટ્રીબ્યુટર્સ, રિટેલ ફાર્મસી, હોસ્પિટલ નેટવર્ક અને ઈ-કોમર્સ પ્લેટફોર્મ્સ દ્વારા તેના ઉત્પાદનો વેચે છે.
નોંધ - કોઈપણ IPOમાં નાણાંનું રોકાણ કરતા પહેલા માર્કેટ એક્સપર્ટની સલાહ ચોક્કસ લો.