Post Office RD Scheme: વિશ્વ બજારોમાં જે ભારે અફરા-તફરીનો માહોલ જોવા મળી રહ્યો છે ત્યારે રોકાણકારો તેમની બચત અને સંપત્તિને સુરક્ષિત રાખવા માટે સતત વિવિધ વિકલ્પો અંગે શક્યતા તપાસી રહ્યા છે. મધ્યમ અવધિમાં રોકાણ કરવા માટે પોસ્ટ ઓફિસની રિકરિંગ ડિપોઝીટ (RD) સ્કીમ એક ખાસ સ્કીમ છે, જે તમને સુનિશ્ચિત રિટર્ન આપે છે અને સુરક્ષાની પણ ગેરન્ટી આપે છે. આ સ્કીમની સૌથી ખાસ વાત એ છે કે તેમાં ઓછામાં ઓછા રૂપિયા 100 અથવા રૂપિયા 10ના ગુણાંકમાં કોઈ પણ રકમ જમા કરાવી સકાય છે. તેના માટે કોઈ મહત્તમ મુદત નથી.
આ ખાતું કોણ ખોલાવી શકે છે
વિવિધ કેટેગરીના લોકો સરળતાથી વ્યક્તિગત અથવા સંયુક્ત રીતે ખાતું ખોલાવી શકે છે. નિયમો પ્રમાણે ભારતીય નાગરિક વ્યક્તિગત રીતે ખાતું ખોલાવી શકે છે. એક પુખ્ત (સિંગલ એડલ્ટ) તેના નામથી ખાતું ખોલાવી શકે છે. આ ઉપરાંત ત્રણ પુખ્ત વયની વ્યક્તિ પણ સંયુક્ત ખાતું ખોલાવી શકે છે.
સંયુક્ત ખાતાને બે કેટેગરીમાં વિભાજીત કરવામાં આવે છે.- જોઈન્ટ-A પ્રકારના ખાતામાં તમામ ખાતાધારકો દ્વારા સંયુક્ત રીતે સંચાલિત કરવામાં આવે છે અથવા તેમની હયાતીમાં ખાતાધારકો દ્વારા સાથે મળી સંચાલિત કરવામાં આવે છે. જ્યારે જોઈન્ટ-B પ્રકારનું ખાતું કોઈ એક ખાતાધારક દ્વારા અથવા જીવિત વ્યક્તિ ખાતાધારક વિવિધ સંચાલિત કરી શકે છે.
સગીરો માટે પણ ખાતા ખોલવાની સુવિધા ઉપલબ્ધ છે. અરજદાર સગીર તરફથી ખાતા ખોલાવી શકે છે.તે સાથે જ માનસિક રીતે અસ્વસ્થ વ્યક્તિ તરફથી પણ અરજદાર ખાતું ખોલાવી શકે છે. જેને હવે 'ઓથોરાઈઝ્ડ અકાઉન્ટ' કહેવામાં આવે છે.આ ઉપરાંત 10 વર્ષ અથવા વધારે ઉંમરના સગીર પોતે પણ તેના નામથી ખાતું ખોલાવી શકે છે.
RD ખાતાની અવધિ અને વિસ્તાર
રિકરિંગ ડિપોઝીટ (RD) ખાતા સંબંધિત નિયમો પ્રમાણે ખાતાની મૂળ અવધિ ખાતા ખોલવાની તારીખથી 5 વર્ષ એટલે કે 60 માસિક હપ્તા સુધી હોય છે. ખાતાધારક ઈચ્છે તો આ અવધિને પૂરા થયા બાદ RD ખાતાને આગામી 5 વર્ષ માટે વધી શકે છે.આ માટે સંબંધિ પોસ્ટ ઓફિસમાં અરજી કરવી જરૂરી છે.
આ ઉપરાંત મેચ્યોરિટી બાદ પણ RD ખાતાને કોઈ નવા જમા કરવું મહત્તમ 5 વર્ષ સુધી ચાલુ રાખી શકાય છે. આ દરમિયાન ખાતામાં વધારાની રકમ જમા કરવી જરૂરી નથી, જોકે ખાતા સક્રિય બની રહી છે.