Mutual Funds News: Association of Mutual Funds of Indiaએ બુધવારે ઓગસ્ટ મહિનાના આંકડા શેર કર્યા છે. ડેટા દર્શાવે છે કે ગયા મહિને લોકોએ MFમાં ખૂબ જ ઓછું રોકાણ કર્યું હતું. તેમાં 22 ટકાનો ઘટાડો જોવા મળ્યો હતો.ઓગસ્ટમાં ઇક્વિટી મ્યુચ્યુઅલ ફંડમાં રોકાણ 22% ઘટીને રૂપિયા 33,430 કરોડ થયું હતું. જુલાઈમાં તે રૂપિયા 42,702 કરોડ હતું. ઓગસ્ટ 2024માં રોકાણ રૂપિયા 38,239 કરોડ હતું.
ઓગસ્ટમાં કયા ફંડમાં કેટલું રોકાણ કરવામાં આવ્યું?
લાર્જ-કેપ ફંડ્સમાં 2,834.88 કરોડ રૂપિયાનું રોકાણ જોવા મળ્યું, જ્યારે જુલાઈમાં તે રૂપિયા 2,125.09 કરોડ હતું. 11 સબ-કેટેગરીમાંથી ફ્લેક્સી-કેપ ફંડ્સમાં સૌથી વધુ 7,679 કરોડ રૂપિયાનું રોકાણ જોવા મળ્યું . આ પછી મિડ-કેપ ફંડ્સમાં 5,330 કરોડ રૂપિયાનું રોકાણ જોવા મળ્યું છે. સ્મોલ-કેપ ફંડ્સમાં રૂપિયા 4,992.90 કરોડનું ચોખ્ખું રોકાણ નોંધાયું હતું, જ્યારે જુલાઈમાં રૂપિયા 6,484.43 કરોડનું ચોખ્ખું રોકાણ થયું.
ઓગસ્ટમાં મ્યુચ્યુઅલ ફંડનો AUM કેટલો હતો?
ઓગસ્ટ 2025 માટે મ્યુચ્યુઅલ ફંડ ઉદ્યોગનો ચોખ્ખો AUM રૂપિયા 75,18,702.50 કરોડ હતો. જુલાઈ 2025ના મહિના માટે ચોખ્ખો AUM (એસેટ્સ અંડર મેનેજમેન્ટ) રૂપિયા 75,35,970.68 કરોડ હતુ.
ઓગસ્ટમાં ફોલિયોની સંખ્યા?
ઓગસ્ટ 2025 સુધીમાં મ્યુચ્યુઅલ ફંડ ફોલિયોની સંખ્યા 24,89,09,424 હતી અને જુલાઈ 2025માં તે 24,57,24,339 હતી.
ELSS અથવા ટેક્સ-સેવિંગ ફંડ્સમાં લોકોનો રસ વધ્યો
સેક્ટરલ અને થીમેટિક મ્યુચ્યુઅલ ફંડમાં કુલ રૂપિયા 3,893 કરોડનું રોકાણ કરવામાં આવ્યું હતું. ઓગસ્ટમાં ELSS અથવા ટેક્સ-સેવિંગ ફંડમાં સકારાત્મક વલણ જોવા મળ્યું, જ્યાં સતત ચાર મહિના સુધી ઉપાડ પછી, રૂપિયા 59.15 કરોડનું રોકાણ થયું. ઓગસ્ટમાં ડિવિડન્ડ યીલ્ડ ફંડમાંથી રૂપિયા 174 કરોડનું ઉપાડ જોવા મળ્યું હતુ.
SIP માં કેટલું રોકાણ કરવામાં આવ્યું?
ઓગસ્ટ 2025 ના મહિના માટે SIP AUM રૂપિયા 15,18,368.00 કરોડ છે જે કુલ મ્યુચ્યુઅલ ફંડ ઉદ્યોગ સંપત્તિના 20.2% છે. SIP યોગદાન ઓગસ્ટમાં વધીને રૂપિયા 28,265 કરોડ થયું છે જે જુલાઈ 2025માં રૂપિયા 28,464 કરોડ હતું.
ઉદ્યોગ સરેરાશના ટકાવારી તરીકે SIP 20% છે. ઓગસ્ટ મહિનામાં યોગદાન આપનારા SIP ખાતાઓની સંખ્યા રૂપિયા 8.99 કરોડ હતી, જે પાછલા મહિનાની તુલનામાં થોડો ઘટાડો દર્શાવે છે. ઓગસ્ટ 2025 માં યોગદાન આપનારા SIP ખાતાઓની સંખ્યા રૂપિયા 8,98,70,085 કરોડ હતી.