Income Tax New Rules: આવક વેરાના નવા નિયમો 1લી એપ્રિલથી થશે લાગૂ, CBDT દ્વારા નિયમો નોટીફાઈ કરાયા

Income Tax New Rules:સેન્ટ્રલ બોર્ડ ઓફ ડાયરેક્ટ ટેક્સિસ (CBDT)એ ઈનકમ ટેક્સના નવા નિયમ 20 માર્ચને નોટિફાઈ કરી છે. તેનાથી ઈનકમ ટેક્સ રુલ્સ,2026 1લી એપ્રિલથી લાગુ થવાનો માર્ગ સ્પષ્ટ થઈ ગયો છે. નવા નિયમોની અસર કરોડો કરદાતાઓને થશે. 1લી એપ્રિલ 2026થી નવા નાણાકીય વર્ષની શરૂઆત થશે.

1લી એપ્રિલથી ઈનકમ ટેક્સ એક્ટ, 2025 લાગૂ થશે

CBDT એ નવા કર નિયમોને સૂચિત કર્યા છે અને આવકવેરા અધિનિયમ, 2025 ના અમલીકરણ તરફ એક મોટું પગલું ભર્યું છે. આવકવેરા અધિનિયમ 2025, 1લી એપ્રિલથી અમલમાં આવશે. તેનાથી છેલ્લા ઘણા દાયકાથી અમલમાં રહેલા આવકવેરા અધિનિયમ, 1961ના કાયદાને નાબૂદ કરવામાં આવશે. નવો કાયદો કર નિયમો અને ભાષાને સરળ બનાવે છે. CBDTએ નવા કરવેરા નિયમોને નોટિફાઈ કરવા સાથે જ આવક વેરા ધારો 2025ને લાગૂ કરવાની દિશામાં મોટું પગલું વધારી દીધુ છે.

KIND ATTENTION TAXPAYERS!

Income-tax Rules, 2026 have been notified and published in the e-Gazette.
The notification may be accessed on: https://t.co/ALbKiEUHut@nsitharamanoffc @officeofPCM @FinMinIndia @PIB_India pic.twitter.com/hjwVO5K21M

— Income Tax India (@IncomeTaxIndia) March 20, 2026

નિયમોની સંખ્યા 511 થી ઘટાડીને 333 કરવામાં આવી છે

નવા આવકવેરા નિયમોમાં નિયમોની સંખ્યા 511 થી ઘટાડીને 333 કરવામાં આવી છે. ફોર્મની સંખ્યા 399 થી ઘટાડીને 190 કરવામાં આવી છે. કર પ્રક્રિયાઓ સરળ બનાવવામાં આવી છે. જટિલ શબ્દોને સરળ શબ્દોથી બદલવામાં આવ્યા છે. ભાષાને સરળ બનાવવાના પણ પ્રયાસો કરવામાં આવ્યા છે. નિષ્ણાતો કહે છે કે જૂના નિયમોમાં ભાષા જટિલ હતી, જેને સમજવા માટે નિષ્ણાતની મદદની જરૂર પડતી હતી.

આ નોટિફિકેશન વહેલા ઈશ્યુ કરવાથી નોકરીદાતા માટે મુશ્કેલી ઓછી થશે

નવા કર નિયમો કર્મચારીઓ અને નોકરીદાતાઓ બંને માટે સુવિધા લાવશે. વિવિધ કર્મચારીઓને મળતી સુવિધાઓ અને મુક્તિ મર્યાદામાં ફેરફાર કરવામાં આવ્યા છે. જ્યારે આમાંના મોટાભાગના જૂના આવકવેરા શાસન સાથે સંબંધિત છે, ત્યારે નવા શાસન હેઠળ કરદાતાઓને પણ ફાયદો થશે. સૌથી અગત્યનું સમયસર સૂચના નોકરીદાતા માટે નવા નિયમો લાગુ કરવાનું સરળ બનાવશે.